പൂച്ചാക്കല്‍: കാപ്പ ഉത്തരവ് ലംഘിച്ച യുവാവിനെ പൂച്ചാക്കല്‍ പോലീസ് സാഹസികമായി പിടികൂടി. പെരുമ്പളം പഞ്ചായത്ത് 12ാം വാര്‍ഡ് പനയ്‌ക്കല്‍ വീട്ടില്‍ ജാക്‌സണ്‍ (റോക്കി – 25) ആണ് പിടിയിലായത്. പെരുമ്പളത്ത് ഇയാള്‍ വന്നതായി വിവരം ലഭിച്ചതിനെ തുടര്‍ന്നാണ് പോലീസ് സംഘം പരിശോധന നടത്തിയത് പോലീസിനെ കണ്ട് ഓടി രക്ഷപെടാന്‍ ശ്രമിച്ച പ്രതിയെ പോലീസ് സംഘം പിന്തുടര്‍ന്ന് പിടി കൂടുകയായിരുന്നു
വധശ്രമം, വീടുകയറി അക്രമം, അടിപിടി തുടങ്ങി നിരവധി കേസുകളില്‍ പ്രതിയായ ഇയാളെ ആലപ്പുഴ ജില്ലയില്‍ പ്രവേശിക്കുന്നതിന് വിലക്കി റേഞ്ച് ഡിഐജി പുട്ട വിമലാദിത്യ കാപ്പ പ്രകാരം ഉത്തരവ് ഇറക്കിയിരുന്നു. അത് മറികടന്നാണ് ഇയാള്‍ പെരുമ്പളത്ത് എത്തിയത്. കാപ്പ ഉത്തരവ് ലംഘിച്ചതിന് പൂച്ചാക്കല്‍ പോലീസ് കേസ് രജിസ്റ്റര്‍ ചെയ്തു.
എസ്എച്ച്ഒ ജോസ് എന്‍. ആര്‍, എസ്‌ഐ സജീവ്കുമാര്‍.ഡി, സീനിയര്‍ സിവില്‍ പോലീസ് ഓഫീസര്‍മാരായ അരുണ്‍കുമാര്‍, ടെല്‍സണ്‍ തോമസ്, ജിനീഷ് എന്നിവരടങ്ങിയ സംഘമാണ് ഇയാളെ പിടികൂടിയത്.
പ്രതികരിക്കാൻ ഇവിടെ എഴുതുക: