ഇടുക്കി: കാണാതായ ഇതര സംസ്ഥാന തൊഴിലാളി പടുതാക്കുളത്തില്‍ മരിച്ച നിലയില്‍. മധ്യപ്രദേശ് -ഡിന്റോരി സ്വദേശി വീരേന്ദറാണ് (21) മരിച്ചത്. നെടുങ്കണ്ടം പട്ടത്തിമുക്കിലെ സ്വകാര്യ തോട്ടത്തില്‍ രണ്ടാഴ്ച മുമ്പ് ജോലിക്കെത്തിയതാണ് ഇയാള്‍.
എന്നാല്‍ കഴിഞ്ഞ വെള്ളിയാഴ്ച രാത്രിയോടെ ഇയാളെ കാണാതായി. പിന്നാലെ തൊഴിലുടമ നെടുങ്കണ്ടം പൊലീസില്‍ പരാതി നല്‍കി. തോട്ടത്തിലെ ചെക്ക് ഡാമില്‍ വീണതാകാമെന്ന സംശയത്തില്‍ കഴിഞ്ഞ ദിവസം അഗ്‌നിശമനസേന പരിശോധന നടത്തിയെങ്കിലും കണ്ടെത്താനായിരുന്നില്ല.
തുടര്‍ന്ന് നെടുങ്കണ്ടം പൊലീസിന്റെ പരിശോധനയിലാണ് ഇയാള്‍ ജോലി ചെയ്തിരുന്ന തോട്ടത്തിനു സമീപത്തെ മറ്റൊരു തോട്ടത്തിനുള്ളിലെ പടുതാക്കുളത്തില്‍ മരിച്ച നിലയില്‍ കണ്ടെത്തിയത്.
മൃതദേഹം നെടുങ്കണ്ടത്തെ സ്വകാര്യ ആശുപത്രിയില്‍.പോസ്റ്റ്‌മോര്‍ട്ടത്തിനു ശേഷം ബന്ധുക്കള്‍ക്ക് വിട്ടു നല്‍കും.
പ്രതികരിക്കാൻ ഇവിടെ എഴുതുക: