ഗുരുവായൂര്‍: ഗുരുവായൂര്‍ ദേവസ്വത്തിലെ ആനകളുടെ സുഖചികിത്സ തിങ്കളാഴ്ച ആരംഭിച്ചു. സുഖചികിത്സയുടെ ഉദ്ഘാടനം പുന്നത്തൂര്‍ ആനത്താവളത്തില്‍ വെറ്ററിനറി ആന്‍ഡ് ആനിമല്‍ സയന്‍സസ് സര്‍വകലാശാല വൈസ് ചാന്‍സലര്‍ ഡോ.കെ.എസ്.അനില്‍ നിര്‍വഹിച്ചു.
ഈ മാസം 30വരെയാണ് സുഖചികിത്സ. ആനകളുടെ ആരോഗ്യ സംരക്ഷണത്തിനും ശരീരപുഷ്ടിക്കുമുള്ള ആഹാരമാണ് നല്‍കുക.
ദേവസ്വത്തിന്റെ 38 ആനകളില്‍ 26 ആനകള്‍ക്കാണ് സുഖചികിത്സ. പന്ത്രണ്ട് ആനകള്‍ മദപ്പാടിലാണ്. മദപ്പാട് മാറുമ്പോള്‍ മുറയ്‌ക്ക് ഈ ആനകള്‍ക്കും സുഖചികിത്സ നല്‍കും.
ആനകളുടെ സുഖ ചികിത്സയ്‌ക്കായി 11 ലക്ഷം രൂപയുടെ എസ്റ്റിമേറ്റാണ് തയാറാക്കിയിട്ടുളളത്.
അരി 3420കിലോഗ്രാം,ചെറുപയര്‍ 1140കിലോഗ്രാം,റാഗി 1140കിലോഗ്രാം,മഞ്ഞള്‍ പൊടി 114കിലോഗ്രാം,ഉപ്പ് 114 കിലോഗ്രാം,അഷ്ടചൂര്‍ണ്ണം 123 കിലോഗ്രാം,ചവനപ്രാശം 285കിലോഗ്രാം,ഷാര്‍ക്ക ഫറോള്‍,അയണ്‍ ടോണിക്ക്,ധാതുലവണങ്ങള്‍, വിരമരുന്ന് എന്നിവയാണ് ആനകള്‍ക്ക് നല്‍കുന്നത്.
പ്രതികരിക്കാൻ ഇവിടെ എഴുതുക