മലപ്പുറം : തിങ്കളാഴ്ച നിലവില്‍ വന്ന ഭാരതീയ ന്യായസംഹിത പ്രകാരമുള്ള കേരളത്തിലെ ആദ്യത്തെ കേസ് രജിസറ്റര്‍ ചെയ്തത് മലപ്പുറം ജില്ലയിലെ കൊണ്ടോട്ടി പൊലീസ് സ്റ്റേഷനില്‍. വെളുപ്പിന് 12:20 ന് ആണ് എഫ് ഐ ആര്‍ രജിസ്റ്റര്‍ ചെയ്തത്.
അശ്രദ്ധമായും മനുഷ്യജീവന് അപകടം ഉണ്ടാക്കുന്ന രീതിയിലും ഇരുചക്രവാഹനം ഓടിച്ചതിന് കൊണ്ടോട്ടി പൊലീസ് സ്വമേധയാ ആണ് കേസ് രജിസ്റ്റര്‍ ചെയ്തത്. ഭാരതീയ ന്യായസംഹിത 2023 ലെ വകുപ്പ് 281, മോട്ടോര്‍ വെഹിക്കിള്‍ ആക്ട് 1988 ലെ വകുപ്പ് 194 ഡി എന്നിവയാണ് ചുമത്തിയത്.
പുതുതായി നിലവില്‍ വന്ന ഭാരതീയ നാഗരിക സുരക്ഷാസംഹിതയിലെ വകുപ്പ് 173 പ്രകാരമാണ് എഫ്‌ഐആര്‍ തയാറാക്കിയത്.അതേസമയം ഭാരതീയ ന്യായസംഹിത പ്രകാരമുള്ള ഇന്ത്യയിലെ ആദ്യ കേസ് മധ്യപ്രദേശിലെ ഗ്വാളിയോറിലാണ് രജിസ്റ്റര്‍ ചെയ്തത്.മോട്ടോര്‍ സൈക്കിള്‍ മോഷണത്തിനാണ് അര്‍ദ്ധ രാത്രി 12.10ന് കേസ് രജിസറ്റര്‍ ചെയ്തത്.
പ്രതികരിക്കാൻ ഇവിടെ എഴുതുക: