തിരുവനന്തപുരം: കൊച്ചുവേളിയില് നിന്ന് മംഗളൂരുവിലേക്ക് (06001) തിങ്കളാഴ്ച വന്ദേഭാരത് പ്രത്യേക സര്വീസ് നടത്തും. രാവിലെ 10.45ന് കൊച്ചുവേളിയില്നിന്ന് പുറപ്പെടുന്ന ട്രെയിന് രാത്രി പത്തിന് മംഗളൂരു സെന്ട്രലില് എത്തും. യാത്രാസമയം 11.15 മണിക്കൂറാണ്. എട്ട് കോച്ചുകളാണ് പുതിയ സര്വീസിനുമുള്ളത്.
യാത്രക്കാരുടെ തിരക്ക് കണക്കിലെടുത്താണ് സര്വീസെന്ന് റെയില്വേ അറിയിച്ചു. കൊല്ലം, കോട്ടയം, എറണാകുളം ടൗണ്, തൃശൂര്, ഷൊര്ണൂര്, തിരൂര്, കോഴിക്കോട്, കണ്ണൂര്, കാസര്കോട് എന്നിവിടങ്ങളിലാണ് സ്റ്റോപ്പ്. റിസര്വേഷന് ആരംഭിച്ചതായും റെയില്വേ അറിയിച്ചു.
എസി ചെയര്കാറില് കൊച്ചുവേളിയില് നിന്ന് മംഗളൂരുവിലേക്ക് 1470 രൂപയാണ് ടിക്കറ്റ് നിരക്ക്. ഇതേ റൂട്ടില് എക്സിക്യുട്ടീവ് ചെയര്കാറില് 2970 രൂപയും നിരക്കാവും.
വന്ദേ ഭാരത് സമയക്രമം: (എത്തിച്ചേരുന്നത് / പുറപ്പെടുന്നത്)
കൊച്ചുവേളി 10.45
കൊല്ലം 11.40 – 11.43
കോട്ടയം 12.55 – 12.58
എറണാകുളം ടൗണ് 14.02 – 14.05
തൃശൂര് 15.20 – 15.23
ഷൊര്ണൂര് ജംഗ്ഷന് 16.15 – 16.20
തിരൂര് 16.50 – 16.52
കോഴിക്കോട് 17.32 – 17.35
കണ്ണൂര് 18.47 – 18.50
കാസര്കോട് 20.32 – 20.34
മംഗളുരു സെന്ട്രല് 22.00.
