കണ്ണൂര് : മനു തോമസിന്റെ ആരോപണങ്ങളില് പി ജയരാജന് പിന്തുണയുമായി സിപിഎം കണ്ണൂര് ജില്ലാ സെക്രട്ടറിയേറ്റ്.പി ജയരാജനെതിരെയുള്ളത് വ്യാജ വാര്ത്തകളാണെന്നും മനു തോമസിന്റേത് തെറ്റായ പ്രചാരവേലയാണെന്നും സിപിഎം വാര്ത്താക്കുറിപ്പില് കുറ്റപ്പെടുത്തി.
ക്വട്ടേഷന്കാരെ സഹായിക്കുകയോ സംരക്ഷിക്കുകയോ ചെയ്യുന്ന പാര്ട്ടിയല്ല സിപിഐ(എം) എന്നാണ് വാര്ത്താ കുറിപ്പില് പറയുന്നത്. എന്നിട്ടും ക്വട്ടേഷന്കാരുടെ പാര്ട്ടിയാണെന്നും അവരെ സഹായിക്കുന്നവരാണെന്നും പ്രചരിപ്പിക്കുന്നു.
സി.പി.ഐ.(എം) സംസ്ഥാന കമ്മിറ്റി അംഗമായ പി ജയരാജനും ജില്ലാ കമ്മിറ്റി അംഗമായ എം ഷാജറുമെതിരെ വ്യാജ വാര്ത്തകളാണ് ചില മാധ്യമങ്ങള് പ്രചരിപ്പിക്കുന്നത്. ഇത്തരം പ്രചരണങ്ങള് അടിസ്ഥാന രഹിതമാണ് എന്നാണ് പാര്ട്ടിയുടെ വാദം. ക്വട്ടെഷന് സംഘങ്ങളുടെ ഭീഷണിയേയും വാര്ത്താകുറിപ്പില് അപലപിക്കുന്നുവെന്ന രസകരമായ വസ്തുതയുമുണ്ട്.
