കൊല്ലം : യുവതിയെ വീട്ടില്‍ കയറി മര്‍ദിച്ച സംഭവത്തില്‍ അഞ്ചു സ്ത്രീകള്‍ക്കെതിരെ കേസ്. തെന്മല ചെറുക്കടവ് സ്വദേശിനികളായ ഗീത,ജയ, മാളു, സരിത, വസന്തകുമാരി എന്നിവര്‍ക്കെതിരെയാണ് പൊലീസ് കേസെടുത്തത്.
അനധികൃതമായി സംഘം ചേരല്‍, പൊതു സ്ഥലത്ത് ലഹള ഉണ്ടാക്കല്‍, അശ്ലീലപദപ്രയോഗം ഉള്‍പ്പെടെയുള്ള കുറ്റങ്ങളാണ് ചുമത്തിയിട്ടുളളത്. വായ്പാ തിരിച്ചടവുമായി ബന്ധപ്പെട്ടാണ് പ്രശ്‌നമുണ്ടായത്.
കഴിഞ്ഞ രാത്രിയാണ് തെന്മല ചെറുക്കടവ് പതിനാലേക്കാര്‍ മധു ഭവനില്‍ സുരാജയെ പ്രതികള്‍ വീടുകറി മര്‍ദ്ദിച്ചത്. സ്വകാര്യ സ്ഥാപനത്തിലെ വായ്പാ അടവുമായി ബന്ധപെട്ടു ഉണ്ടായ തര്‍ക്കമാണ് മര്‍ദ്ദനത്തിലെത്തിയത്.അറസ്റ്റ് രേഖപ്പെടുത്തിയ പ്രതികളെ സ്റ്റേഷന്‍ ജാമ്യത്തില്‍ വിട്ടയച്ചു.
പ്രതികരിക്കാൻ ഇവിടെ എഴുതുക: