പാര്‍ട്ടിയെയും ഡിവൈഎഫ്‌ഐയെയും മറയാക്കി സ്വര്‍ണക്കടത്ത് ക്വട്ടേഷന്‍ സംഘങ്ങള്‍ പ്രവര്‍ത്തിക്കുന്നുവെന്ന വിഷയം പാര്‍ട്ടിക്കകത്ത് പരാതിയായി ഉന്നയിച്ചതിനെ തുടര്‍ന്നാണ് കഴിഞ്ഞ ദിവസം മനു തോമസിനെ പാര്‍ട്ടിയില്‍ നിന്ന് പുറത്താക്കിയത്.
മനുതോമസിന്റെ പരാതിയില്‍ കഴമ്പില്ലെന്ന് സിപിഎം ജില്ലാ സെക്രട്ടറി എം.വി. ജയരാജന്‍ കഴിഞ്ഞ ദിവസം പറയുകയുണ്ടായി. ഇതിന് മറുപടിയായി സ്വര്‍ണക്കടത്ത്, ക്വട്ടേഷന്‍, ക്രിമനല്‍ സംഘങ്ങളുടെ രക്ഷകര്‍ നേതൃത്വത്തിലെ ചിലരാണെന്ന് മനുതോമസ് തുറന്നടിച്ചിരുന്നു. പോര് നിയന്ത്രിക്കാന്‍ നേതൃത്വത്തിന് പോലും സാധിക്കാത്ത സ്ഥിതിയിലെത്തിയിരിക്കയാണ്.
സ്വര്‍ണക്കടത്ത് ക്വട്ടേഷന്‍ സംഘങ്ങളിലെ ചിലര്‍ക്ക് നേതാക്കളുമായുള്ള ബന്ധങ്ങള്‍ അറിഞ്ഞതിനെ തുടര്‍ന്ന് ഇക്കാര്യം പാര്‍ട്ടിക്കുള്ളില്‍ ചൂണ്ടിക്കാട്ടുകയും പരാതി നല്‍കുകയും ചെയ്തിരുന്നു. പാര്‍ട്ടി നേതാക്കളും അണികളും സ്വര്‍ണക്കടത്ത് സംഘവുമായുളള നേതാക്കളുടെ ബന്ധങ്ങള്‍ സംബന്ധിച്ച് പരസ്പരം ആരോപണ-പ്രത്യാരോപണം തുടരവേ എന്ത് ചെയ്യണമെന്നറിയാതെ നിസ്സഹായാവസ്ഥയിലാണ് സിപിഎം സംസ്ഥാന-ജില്ലാ നേതൃത്വങ്ങള്‍.
പ്രതികരിക്കാൻ ഇവിടെ എഴുതുക: