തിരുവനന്തപുരം:ഭര്‍ത്താവ് നഗ്‌ന ചിത്രമെടുത്ത് പ്രചരിപ്പിച്ചതില്‍ മനംനൊന്ത് ഭാര്യ ജീവനൊടുക്കി. വട്ടിയൂര്‍ക്കാവിലാണ് സംഭവം.
യുവതിയെ വീട്ടിനുള്ളില്‍ തൂങ്ങി മരിച്ച നിലയില്‍ കണ്ടെത്തുകയായിരുന്നു. മുന്‍ ഭര്‍ത്താവിന്റെ പീഡനത്തെ തുടര്‍ന്നാണ് ജീവനൊടുക്കുന്നതെന്നുളള കുറിപ്പ് മുറിയില്‍ നിന്ന് കണ്ടെടുത്തിട്ടുണ്ട്.മൂന്ന് ദിവസം മുന്‍പാണ് കോടതിയില്‍ നിന്ന് വിവാഹ മോചനം ലഭിച്ചത്.
മകള്‍ക്കെതിരെ ലൈംഗിക അതിക്രമം നടത്തിയതിന് പോക്സോ കേസില്‍ പ്രതിയാണ് യുവതിയുടെ മുന്‍ ഭര്‍ത്താവ്.മണികണ്‌ഠേശ്വരത്തെ വീട്ടില്‍ മകളുമൊത്ത് ഒറ്റയ്‌ക്കായിരുന്നു യുവതി താമസിച്ചിരുന്നത്.
തിങ്കളാഴ്ച രാത്രിയോടെ വീട്ടിലെത്തിയ ഭര്‍ത്താവ് വീട്ടമ്മയെ ക്രൂരമായി മര്‍ദ്ദിക്കുകയും ശാരീരിക പീഡനത്തിന് ഇരയാക്കുകയും ചെയ്‌തെന്ന് ബന്ധുക്കള്‍ ആരോപണമുന്നയിച്ചു. സംഭവത്തില്‍ വിശദമായ അന്വേഷണം നടത്തുമെന്ന് പൊലീസ് വ്യക്തമാക്കി.
പ്രതികരിക്കാൻ ഇവിടെ എഴുതുക: