തിരുവനന്തപുരം: സംസ്ഥാനത്ത് നിന്ന് പുറപ്പെടുന്ന നാല് ട്രെയിന് സര്വീസുകളില് മാറ്റം. ഈ മാസം 28-ന് കൊച്ചുവേളിയില് നിന്നുളള കൊച്ചുവേളി – ഋഷികേശ് സൂപ്പര്ഫാസ്റ്റ് എക്സ്പ്രസ് റദ്ദാക്കി.
ജൂലൈ 1-ന് ഋഷികേശില് നിന്ന് തിരിച്ച് പുറപ്പെടുന്ന യാത്രയും റദ്ദാക്കി. റൂര്ക്കി – ദിയോബന്ദ് റൂട്ടില് ട്രാക്കില് അറ്റകുറ്റപ്പണി നടക്കുന്നതിനാലാണ് ട്രെയിന് റദ്ദാക്കിയത്.
നാളെയും ജൂലൈ 1-നും എറണാകുളത്ത് നിന്ന് രാത്രി 10.25-ന് പുറപ്പെടുന്ന എറണാകുളം – കാരൈക്കല് എക്സ്പ്രസ് നാഗപട്ടണം വരെയേ ഉണ്ടാകൂ. കാരയ്ക്കല് യാര്ഡിന്റെ കമ്മീഷനിംഗ് പ്രവൃത്തികള് പുരോഗമിക്കുന്ന സാഹചര്യത്തിലാണിത്. ജൂലൈ 2-ന് എറണാകുളത്ത് നിന്ന് രാത്രി 10.25 ന് പുറപ്പെടുന്ന എറണാകുളം – കാരയ്ക്കല് എക്സ്പ്രസ് നാഗൂര് വരെയെ സര്വീസ് ഉണ്ടാകൂ.
ജൂലൈ 3-ന് വൈകിട്ട് നാലരയ്ക്ക് കാരയ്ക്കല് നിന്ന് പുറപ്പെട്ട് എറണാകുളത്തേക്കുളള എറണാകുളം എക്സ്പ്രസ് വൈകിട്ട് 05.05-ന് നാഗപട്ടണത്ത് നിന്നായിരിക്കും സര്വീസ് തുടങ്ങുക.
