കൊച്ചി: മുന്‍കാല ബാസ്‌കറ്റ്ബാള്‍ താരങ്ങളുടെ സംഘടനയായ ടീം റീബൗണ്ടിന്റെ ഏഴാമത്തെ കോണ്‍ക്ലേവ് അടുത്ത മാസം 13, 14 തീയതികളില്‍ കൊച്ചിയില്‍ നടക്കും. കടവന്തറ രാജീവ് ഗാന്ധി ഇന്‍ഡോര്‍ സ്റ്റേഡിയത്തിലായിരിക്കും കോണ്‍ക്ലേവ്.
വിദേശത്തുളള മുന്‍ കാല ബാസ്‌കറ്റ്ബാള്‍ താരങ്ങളും , ഇന്ത്യയുടെ വിവിധ ഭാഗങ്ങളില്‍ നിന്നുള്ള മുന്‍ ക്യാപ്റ്റന്‍മാര്‍ പരിശീലകരും ഈ ദ്വിദിന സംഗമത്തില്‍ പങ്കെടുക്കുമെന്ന് സംഘാടകര്‍ അറിയിച്ചു. കോണ്‍ക്ലേവിന്റെ ഭാഗമാകാന്‍ ഇതിനോടകം 150 ലേറെ പേര്‍ എന്റോള്‍ ചെയ്തുകഴിഞ്ഞു.
ഇവന്റിന്റെ ഭാഗമായി 30 വയസിന് മുകളിലുള്ള പുരുഷന്‍മാര്‍ക്കും സ്ത്രീകള്‍ക്കുമായി ഒരു ഓപ്പണ്‍ 3ഓണ്‍3 പ്രൈസ് മണി ടൂര്‍ണമെന്റ് സംഘടിപ്പിക്കുന്നുണ്ട്. മുന്‍ ദേശീയ താരങ്ങളടക്കം ഇതിലേക്ക് എത്തിച്ചേരുമെന്ന് കണക്കാക്കുന്നു.
പ്രതികരിക്കാൻ ഇവിടെ എഴുതുക: