ഇസ്ലാമാബാദ്: പാകിസ്ഥാനില്‍ ദൈവനിന്ദ ആരോപിച്ചുള്ള കൊലപാതകങ്ങള്‍ തുടര്‍ക്കഥയാകുന്നു. പഞ്ചാബ് പ്രവിശ്യയില്‍ ദൈവനിന്ദ ആരോപിച്ച് 55 വയസുകാരനെയാണ് കൗമാരപ്രായക്കാരന്‍ കഴിഞ്ഞ ദിവസം കുത്തിക്കൊലപ്പെടുത്തിയത്. നസീര്‍ ഹുസൈന്‍ ഷായാണ് കൊല്ലപ്പെട്ടത്. ഒരാഴ്ചയ്‌ക്കിടെ നടക്കുന്ന രണ്ടാമത്തെ സംഭവമാണിത്. പ്രവാചകന്‍ മുഹമ്മദ് നബിക്കെതിരെ സംസാരിച്ചെന്ന് ആരോപിച്ചായിരുന്നു കൊലപാതകം.
പാകിസ്ഥാനിലെ ന്യൂനപക്ഷമായ ഷിയ വിഭാഗത്തില്‍പെട്ടയാളാണ് കൊല്ലപ്പെട്ട നസീര്‍ ഹുസൈന്‍ ഷാ. ഇയാള്‍ക്കെതിരെ കൊലപാതകിയായ കൗമാരക്കാരന്റെ അച്ഛനും അമ്മാവനും തുടര്‍ച്ചയായി സംസാരിക്കുന്നത് കേട്ടിരുന്നതായി പോ
ലീസ് പറയുന്നു. ഇതോടെയാണ് ഇയാളുടെ മനസില്‍ നസീറിനെതിരെ പക വളര്‍ന്നത്.
ഞായറാഴ്ച ഉച്ചയോടെ വീട്ടില്‍ നിന്ന് കത്തിയുമായി നസീര്‍ ഹുസൈന്‍ ഷായുടെ താമസസ്ഥലത്തെത്തിയ ഇയാള്‍ പലതവണ കുത്തുകയായിരുന്നു. നസീര്‍ സംഭവസ്ഥലത്ത് വെച്ച് തന്നെ മരിച്ചു. പിന്നാലെ കുട്ടി അവിടെ നിന്ന് ഓടി രക്ഷപ്പെട്ടു. കുട്ടിയെ പിടികൂടാന്‍ പ്രത്യേക സംഘം രൂപീകരിച്ചതായി പോലീസ് അറിയിച്ചു. പിതാവിനും അമ്മാവനുമെതിരെ എഫ്‌ഐആര്‍ രജിസ്റ്റര്‍ ചെയ്തിട്ടുണ്ട്.
പ്രതികരിക്കാൻ ഇവിടെ എഴുതുക: