കിംഗ്സ് ടൗണ് : ടി20 ലോക കപ്പിലെ സൂപ്പര് എട്ട് പോരാട്ടത്തില് അഫ്ഗാനിസ്ഥാന് ബംഗ്ലാദേശിനെ തോല്പ്പിച്ചതോടെ സെമിയില് കടക്കാമെന്ന ഓസ്ട്രേലിയന് മോഹമാണ് പൊലിഞ്ഞത്.എട്ട് റണ്സിന്റെ വ്യത്യാസത്തിലാണ് അഫ്ഗാനിസ്ഥാന്റെ ജയം.
സെമിയില് ദക്ഷിണാഫ്രിക്കയാണ് അഫ്ഗാനിസ്ഥാനെ നേരിടുക.
ചൊവ്വാഴ്ചത്തെ അഫ്ഗാനിസ്ഥാന്റെ വിജയവും അപ്രതീക്ഷിതമായിരുന്നു. മഴയും കളിച്ച മത്സരത്തില് ആദ്യം ബാറ്റ് ചെയ്ത അഫ്ഗാനിസ്ഥാന് നിശ്ചിത 20-ഓവറില് അഞ്ച് വിക്കറ്റ് നഷ്ടത്തില് 115-റണ്സെടുത്തു.
മഴമൂലം വിജയലക്ഷ്യം 19-ഓവറില് 114-റണ്സാക്കിയിരുന്നു. എന്നാല്, ബംഗ്ലാദേശ് 105-റണ്സിന് എല്ലാവരും പുറത്തായി. നാല് വിക്കറ്റെടുത്ത് റാഷിദ് ഖാന് അഫ്ഗാന് നിരയില് മികച്ച പ്രകടനം കാഴ്ച വച്ചു.
