തിരുവനന്തപുരം : ക്വാറി ഉടമ കൊല്ലപ്പെട്ട സംഭവത്തില്‍ വെളിപ്പെടുത്തലുമായി ഭാര്യ. ഗുണ്ടാസംഘം പണം ആവശ്യപ്പെട്ട് ഭീഷണിപ്പെടുത്തിയിരുന്നുവെന്ന് കൊല്ലപ്പെട്ട എസ് ദീപുവിന്റെ ഭാര്യ വെളിപ്പെടുത്തി. ആദ്യം 10 ലക്ഷവും പിന്നീട് 50 ലക്ഷവും ആവശ്യപ്പെട്ടിരുന്നതായി ദീപുവിന്റെ ഭാര്യ പറഞ്ഞു.
കൊലപാതകത്തിന് കാരണം പണം നല്‍കാത്തതാണ് എന്ന് സംശയമുണ്ടെന്ന് ദീപുവിന്റെ ഭാര്യ പറഞ്ഞു. പണം നല്‍കിയില്ലെങ്കില്‍ മക്കളെ അപായപ്പെടുത്തുമെന്ന് ഭീഷണിപ്പെടുത്തിയിരുന്നു.
കാറിന്റെ മുന്‍സീറ്റില്‍ കഴുത്തറത്ത് കൊല്ലപ്പെട്ട നിലയിലാണ് ദീപുവിനെ കണ്ടത്തെത്തിയത്. സമീപത്തെ സിസിടിവി ദൃശ്യങ്ങളില്‍ ഒരാള്‍ കാറില്‍ നിന്ന് ഇറങ്ങിപ്പോകുന്ന ദൃശ്യങ്ങള്‍ ഉണ്ട്.
ദീപുവിനെ കൊല്ലപ്പെട്ട നിലയില്‍ കണ്ടെത്തിയ കാറിലുണ്ടായിരുന്ന 10 ലക്ഷം രൂപ നഷ്ടപ്പെട്ടു. ദീപുവിന്റെ ഫോണും കാണാതായി. കന്യാകുമാരി എസ്പി സുന്ദനവദനത്തിന്റെ നേതൃത്വത്തിലുള്ള ഏഴംഗ സംഘമാണ് കേസ് അന്വേഷിക്കുക. അന്വേഷണത്തില്‍ കേരള പൊലീസും സഹകരിക്കും.
പ്രതികരിക്കാൻ ഇവിടെ എഴുതുക: