കണ്ണൂര്: ന്യൂമാഹി പെരിങ്ങാടിയിലെ റോഡരികില് നിന്ന് സ്റ്റീല് ബോംബ് കണ്ടെത്തി.തലശ്ശേരി-മാഹി ബൈപ്പാസിന്റെ സര്വീസ് റോഡരികിലാണ് സ്റ്റീല് ബോംബ് കണ്ടെത്തിയത്. ഇന്നലെ കൂത്തുപറമ്പിലും സ്റ്റീല് ബോംബ് കണ്ടെടുത്തിരുന്നു.
ഇന്നലെ ബോംബുകള് കണ്ടെടുത്തത് ആളൊഴിഞ്ഞ പറമ്പില് നിന്നായിരുന്നു എരഞ്ഞോളിയിലെ ബോംബ് സ്ഫോടനത്തിന്റെ പശ്ചാത്തലത്തില് നടത്തിയ തെരച്ചിലിലാണ് ബോംബ് കണ്ടെത്തിയത്
ആള് താമസമില്ലാത്ത വീട്ടുപറമ്പില് നിന്ന് തേങ്ങ എടുക്കവെ ചൊവ്വാഴ്ച എരഞ്ഞോളി കുടക്കളത്ത് സ്റ്റീല് ബോംബ് പൊട്ടി 85കാരന് കൊല്ലപ്പെട്ടിരുന്നു. അതിനിടെ പാനൂര് ചെണ്ടയാട് റോഡില് സ്ഫോടകവസ്തു പൊട്ടിത്തെറിച്ചത് പരിഭ്രാന്തി പരത്തി. പൊട്ടിയത് ഏറുപടക്കമെന്നാണ് പൊലീസ് പറയുന്നത്. ആരാണ് ഇത് എറിഞ്ഞ് പൊട്ടിച്ചതെന്ന് വ്യക്തമല്ല. ഉച്ചയ്ക്ക് രണ്ട് മണിയോടെയാണ് പൊട്ടിത്തെറിയുണ്ടായത്.
