മുംബൈ: ശത്രുഘന് സിന്ഹയുടെ വീടിന്റെ പേര് രാമായണ്. നല്ല ഹിന്ദു വിശ്വാസി. പക്ഷെ ബിജെപി വിട്ട് കോണ്ഗ്രസിനൊപ്പവും പിന്നീട് തൃണമൂലിലും ചേര്ന്നതോടെ മതേതരനായി നില്ക്കേണ്ടിവരുന്ന നിസ്സഹായനായ നേതാവ് എന്ന രീതിയിലാണ് അഭ്യൂഹങ്ങള് പരക്കുന്നത്. ഇപ്പോള് മകള് സൊനാക്ഷി തന്നേക്കാള് രണ്ട് വയസ്സിന് ഇളപ്പമുള്ള സഹീര് ഇക്ബാല് എന്ന മുസ്ലിം യുവാവും ബോളിവുഡ് നടനും സൊനാക്ഷിയെ വിവാഹം കഴിക്കുകയാണ്.
ഉള്ളില് ശത്രുഘന് സിന്ഹ ഹാപ്പി അല്ലെങ്കിലും പുറമേയ്ക്ക് നല്ല ഹാപ്പിയായി നില്ക്കുന്നു എന്നാണ് ചില വാര്ത്തകള്. സൊനാക്ഷിയുടെ സഹോദരന് ഇക്ബാൽ രതാൻസി എന്ന പ്രമുഖ ആഭരണ വ്യാപാരിയുടെ മൂത്തമകനാണ് സഹീർ. സാമ്പത്തികമായി നല്ല സ്ഥിതിയുള്ളവരാണെങ്കിലും മറ്റൊരു മതത്തില് പെട്ടവര് എന്ന അസ്വസ്ഥതയാണുള്ളത്.
പക്ഷെ സഹോദരൻ ലവ് സിൻഹയും അമ്മ പൂനം സിന്ഹയും സഹോദരിയെ ഇൻസ്റ്റഗ്രാമിൽ ഫോളോ ചെയ്യുന്നില്ല എന്ന് പരാമർശമുണ്ട് സൊനാക്ഷി തന്റെ വിവാഹ തീരുമാനം ലവ് സിന്ഹയെ അറിയിച്ചില്ല എന്നും അതിൽ അതൃപ്തിയുണ്ട് എന്നും ചിലയിടങ്ങളിൽ റിപോർട്ടുകൾ ഉയർന്നിരുന്നു. സൊനാക്ഷിയുടെ വിവാഹവുമായി ബന്ധപ്പെട്ട് ഈയിടെ ലവ് സിന്ഹ നടത്തിയ പ്രതികരണം ഇപ്രകാരമാണ്: “സഹോദരന്റെ പരാമർശം വാർത്താമാധ്യമങ്ങളിലൂടെ ശ്രദ്ധ നേടുകയുണ്ടായി. ‘ഞാൻ ഇപ്പോൾ മുംബൈയിൽ ഇല്ല. പ്രസിദ്ധീകരിച്ച വാർത്തയെ കുറിച്ചാണെങ്കിൽ, എനിക്ക് അതുമായി യാതൊരു ബന്ധവുമില്ല,” എന്നായിരുന്നു ലവ് സിന്ഹയുടെ പ്രതികരണം.
ഏറ്റവുമൊടുവില് വിവാഹത്തിന് മുന്പ് ശത്രുഘന് സിന്ഹയും ഭാര്യ പൂനം സിന്ഹയും വീട്ടില് ഒരു ഹിന്ദു പൂജ സംഘടിപ്പിച്ചിരുന്നു. സൊനാക്ഷി സിന്ഹയും പൂജയില് പങ്കെടുത്തിരുന്നു. ഹവന കുണ്ഡം ഒരുക്കിയുള്ള വലിയ പൂജയായിരുന്നു വീട്ടില് നടത്തിയത്.പൂജാരിമാരുടെ മന്ത്രോച്ചാരണങ്ങള് പുറത്തേക്ക് കേള്ക്കാമായിരുന്നു എന്ന് ചില വാര്ത്താലേഖകര് പറയുന്നു. മകളുടെ വിവാഹജീവിതത്തില് ഐശ്വര്യമുണ്ടാകാനായിരുന്നു ശത്രുഘന് സിന്ഹയും ഭാര്യ പൂനവും ചേര്ന്ന് പൂജ നടത്തിയത്.
പുറമെ പ്രസന്നവദനരാണെങ്കിലും ശത്രുഘന്സിന്ഹയും ഭാര്യയും ഉള്ളില് സന്തോഷവാന്മാരല്ലെന്നും റിപ്പോര്ട്ടുകള് സൂചിപ്പിക്കുന്നു. തന്നേക്കാള് രണ്ട് വയസ്സിന് ഇളപ്പമുള്ള മുസ്ലിം യുവാവുമായുള്ള മകളുടെ വിവാഹബന്ധം എവിടെ എത്തിച്ചേരും എന്ന ആശങ്ക ശത്രുഘന് സിന്ഹയ്ക്കും ഭാര്യ പൂനം സിന്ഹയ്ക്കും ഉണ്ട്. കാരണം ബോളിവുഡില് ഉടഞ്ഞുപോയ എത്രയോ ഹിന്ദു-മുസ്ലിം വിവാഹത്തിന് സാക്ഷ്യം വഹിച്ചവരാണല്ലോ ഇരുവരും.
