ചെന്നൈ: ഈ വര്ഷം ജന്മദിനാഘോഷം ഒഴിവാക്കണമെന്ന് നടന് വിജയ്. കള്ളക്കുറിച്ചിയില് വ്യാജമദ്യ ദുരന്തത്തില്പെട്ടവരെ സഹായിക്കണമെന്ന് വിജയ് അഭ്യര്ത്ഥിച്ചു. വിജയുടെ രാഷ്ട്രീയ കക്ഷിയായ തമിഴക വെട്രി കഴകം ജനറല് സെക്രട്ടറി എന്. ആനന്ദ് ആണ് വിജയുടെ നിലപാട് വെളിപ്പെടുത്തിയത്.
വിഷമദ്യ ദുരന്തത്തില്പെട്ടവരെ കഴിഞ്ഞ ദിവസം വിജയ് വിവിധ ആശുപത്രികളില് എത്തി കണ്ടിരുന്നു.ചികിത്സയില് കഴിയുന്ന ഓരോരുത്തരുടെയും അടുത്തെത്തി അവരുടെ ആരോഗ്യത്തെക്കുറിച്ച് ആരാഞ്ഞു.
സര്ക്കാറിന്റെ അനാസ്ഥ മൂലമാണ് ഇത്തരം സംഭവങ്ങള് ആവര്ത്തിക്കുന്നതെന്ന് എക്സിലൂടെ വിജയ് പ്രതികരിച്ചു. പാര്ട്ടിയുടെ ഔദ്യോഗിക അക്കൗണ്ടിലാണ് സര്ക്കാറിനെ വിമര്ശിച്ചത്.
വ്യാജമദ്യം കഴിച്ച് ആളുകള് മരിച്ചത് അങ്ങേയറ്റം ദു:ഖകരമാണ്. മരണത്തില് അനുശോചിക്കുന്നു. ചികിത്സയില് കഴിയുന്നവര് വേഗത്തില് സുഖം പ്രാപിക്കാന് പ്രാര്ഥിക്കുന്നു.കഴിഞ്ഞ വര്ഷവും ഇതുപോലൊരു സംഭവത്തില് നിരവധി ജീവനുകളാണ് പൊലിഞ്ഞത്. ഇത്തരം സംഭവങ്ങള് ആവര്ത്തിക്കാതിരിക്കാന് സര്ക്കാര് കര്ശനമായ നടപടികള് സ്വീകരിക്കണമെന്നും വിജയ് കുറിച്ചു.
