കൊച്ചി: ശബരിമല ഗ്രീന്ഫീല്ഡ് വിമാനത്താവളം പദ്ധതിക്ക് ഭൂമി ഏറ്റെടുക്കാനുള്ള വിജ്ഞാപനം പിന്വലിക്കുമെന്ന് സംസ്ഥാന സര്ക്കാര് ഹൈക്കോടതിയില് അറിയിച്ചു. ഭൂമി ഏറ്റെടുക്കുന്നതിനായി പുതിയ വിജ്ഞാപനം പുറത്തിറക്കുമെന്നും സര്ക്കാര് കോടതിയില് ബോധിപ്പിച്ചു.
സാമൂഹിക ആഘാത പഠനം അടക്കം പുതിയ ഏജന്സിയെ കൊണ്ട് നടത്തിക്കുമെന്നും സര്ക്കാര് വ്യക്തമാക്കി. നിലവിലെ വിജ്ഞാപനം നേരത്തെ ഹൈക്കോടതി സ്റ്റേ ചെയ്ത സാഹചര്യത്തിലാണ് സര്ക്കാര് നിലപാട് മാറ്റിയത്. ബിലീവേഴ്സ് ചര്ച്ചിന് കീഴിലുള്ള അയന ചാരിറ്റബിള് ട്രസ്റ്റ് നല്കിയ ഹര്ജിയിലാണ് ഹൈക്കോടതി വിജ്ഞാപനം സ്റ്റേ ചെയ്തത്.
