ബ്രിഡ്ജ്ടൗണ്‍: സൂപ്പര്‍ എട്ട് ഗ്രൂപ്പ് രണ്ടിലെ പോരാട്ടത്തില്‍ ഭാരതം ഇന്ന് അഫ്ഗാനിസ്ഥാനെ നേരിടും. ബാര്‍ബഡോസിലെ ബ്രിഡ്ജ്ടൗണിലാണ് മത്സരം. ഭാരത സമയം രാത്രി എട്ട് മുതല്‍ കളി ആരംഭിക്കും.
ഗ്രൂപ്പ് എയില്‍ നിന്ന് നാലില്‍ മൂന്ന് കളികളും ജയിച്ച് ഗ്രൂപ്പ് ജേതാക്കളായാണ് ഭാരതം സൂപ്പര്‍ എട്ടില്‍ എത്തിയത്. കാനഡയ്‌ക്കെതിരായ കളി മഴയെ തുടര്‍ന്ന് മുടങ്ങിയത് കാരണം ഇരുടീമുകള്‍ക്കും ഓരോ പോയിന്റ് വീതം ലഭിക്കുകയായിരുന്നു. ഏഴ് പോയിന്റാണ് ഭാരതത്തിനുള്ളത്. വിചിത്രമായ അമേരിക്കന്‍ പിച്ചില്‍ പാടുപെട്ട് പടപൊരുതിയ കരുത്തുമായാണ് ഭാരത ടീം പ്രാഥമിക ഘട്ടം കഴിഞ്ഞ് കരീബിയന്‍ ദ്വീപുകളിലേക്ക് വണ്ടികയറിയത്. കരുത്തരായ പാകിസ്ഥാനെ ഏഴ് റണ്‍സിന് തോല്‍പ്പിച്ചായിരുന്നു ഭാരതത്തിന്റെ തുടക്കം.
കരുത്തരായ ന്യൂസിലന്‍ഡിനെ പ്രാഥമിക റൗണ്ടില്‍ തോല്‍പ്പിച്ചതിന്റെ കുരത്തുമായാണ് അഫ്ഗാനിസ്ഥാന്‍ ഇന്നിറങ്ങുന്നത്. ഗ്രൂപ്പ് സിയില്‍ വെസ്റ്റിന്‍ഡീസിന് പിന്നില്‍ രണ്ടാം സ്ഥാനക്കാരായാണ് അഫ്ഗാന്‍ സൂപ്പര്‍ എട്ടിലേക്ക് മുന്നേറിയെത്തയത്. നാല് കളികള്‍ കളിച്ചതില്‍ വിന്‍ഡീസിനോട് മാത്രമേ ടീം പരാജയമറിഞ്ഞുള്ളൂ.
സൂപ്പര്‍ എട്ട് ഗ്രൂപ്പ് 1ല്‍ ഭാരതവും അഫ്ഗാനും കൂടാതെ യോഗ്യതനേടിയെത്തിയ മറ്റ് രണ്ട് ടീമുകള്‍ ഓസ്‌ട്രേലിയയും ബംഗ്ലാദേശും ആണ്. ഈ നാല് ടീമുകളും പരസ്പരം ഏറ്റുമുട്ടി മുന്നിലെത്തുന്ന രണ്ട് ടീമുകളായിരിക്കും സെമിയില്‍ പ്രവേശിക്കുക.
പ്രതികരിക്കാൻ ഇവിടെ എഴുതുക: