പാലക്കാട്: അട്ടപ്പാടിയില് ആള്ക്കൂട്ട മര്ദ്ദനത്തില് കൊല്ലപ്പെട്ട മധുവിന്റെ അമ്മ മല്ലിയെ ഭീഷണിപ്പെടുത്തിയ കേസ് പരിഗണിക്കുന്നത് മാറ്റി. സ്പെഷ്യല് പ്രോസിക്യൂട്ടറെ നിയമിക്കണമെന്ന് മല്ലി അപേക്ഷ സമര്പ്പിച്ച സാഹചര്യത്തിലാണ് കേസ് ഓഗസ്റ്റ് 29 ലേക്ക് മാറ്റിയത്. മല്ലിയുടെ അപേക്ഷ മണ്ണാര്ക്കാട് എസ്.സി, എസ്.ടി കോടതി ഫയലില് സ്വീകരിച്ചു
മധുവധക്കേസ് വിചാരണക്കിടെയാണ് അമ്മ മല്ലിയെയും സഹോദരിയെയും രണ്ട് പേര് ഭീഷണിപ്പെടുത്തിയത്. മുക്കാലിയിലെ ഒറ്റമൂലി ചികിത്സാ കേന്ദ്രം നടത്തിപ്പുകാരായ അബ്ബാസ്, ഷിഫാന് എന്നിവരാണ് ഭീഷണിപ്പെടുത്തിയത്. കേസില് നിന്ന് പിന്മാറണമെന്നും ഇല്ലെങ്കില് ജീവനോടെ കാണില്ലെന്നും പറഞ്ഞ് ഷിഫാന് ഭീഷണിപ്പെടുത്തിയെന്നായിരുന്നു മല്ലിയുടെ പരാതി. കേസില് നിന്ന് പിന്മാറാന് 40 ലക്ഷം രൂപയും വാഗ്ദാനം ചെയ്തു.
ഭീഷണിക്കേസില് വിചാരണ ആരംഭിക്കാനിരിക്കവെയാണ് സ്പെഷല് പ്രോസിക്യൂട്ടറെ നിയമിക്കുന്നത് വരെ കേസിന്റെ വിചാരണ നിര്ത്തി വയ്ക്കണമെന്ന് ആവശ്യപ്പെട്ട് മല്ലി അപേക്ഷ നല്കിയത്.
