കായംകുളം: മദ്യലഹരിയില്‍ ജ്യേഷ്ഠന്‍ അനിയനെ കുത്തി കൊലപ്പെടുത്തി. രണ്ടാംകുറ്റി ദേശത്തിനകം ലക്ഷംവീട് കോളനിയില്‍ സാദിഖ് (38) ആണ് മരിച്ചത്. കഴിഞ്ഞദിവസം രാത്രി ഒന്‍പതോടെയാണ് സംഭവം. മദ്യപിച്ചെത്തിയ ഷാജഹാന്‍ ആണ് അനിയന്‍ സാദിഖിനെ കുത്തിയത്. മദ്യലഹരിയിലെത്തിയ ഷാജഹാനും അനിയനും തമ്മില്‍ വാക്കേറ്റമുണ്ടായി. തുടര്‍ന്ന് പ്രകോപിതനായ ഷാജഹാന്‍ അനിയനെ കത്തി കൊണ്ട് കുത്തുകയായിരുന്നു.
ആക്രമണത്തില്‍ ഗുരുതരമായി പരിക്കേറ്റ സാദിഖിനെ ആദ്യം കായംകുളം താലൂക്ക് ആശുപത്രിയിലും, തുടര്‍ന്ന് ആലപ്പുഴ മെഡി. കോളജ് ആശുപത്രിയില്‍ പ്രവേശിപ്പിച്ചു. ചികിത്സയിലിരിക്കെ കഴിഞ്ഞദിവസം പുലര്‍ച്ചെയോടെ മരിച്ചു. ഷാജഹാനെ അറസ്റ്റു ചെയ്തു. ഇയാളെ ചോദ്യം ചെയ്തുവരികയാണെന്ന് പോലീസ് അറിയിച്ചു.
പ്രതികരിക്കാൻ ഇവിടെ എഴുതുക: