കണ്ണൂര്‍ : തളിപ്പറമ്പില്‍ സ്വകാര്യ ബസുകള്‍ കൂട്ടിയിടിച്ച് 30 പേര്‍ക്ക് പരിക്ക്. ഇരു ബസുകളിലും ഉണ്ടായിരുന്നവര്‍ പരിക്കേറ്റവരില്‍ ഉള്‍പ്പെടുന്നു.
ഞായറാഴ്ച രാവിലെ തൃച്ചംബരം റേഷന്‍കടക്ക് സമീപമായിരുന്നു അപകടം. തളിപ്പറമ്പില്‍ നിന്ന് കണ്ണൂരിലേക്ക് പോയ കൃതിക ബസും തളിപ്പറമ്പിലേക്ക് വരികയായിരുന്ന പറശിനി ബസുമാണ് കൂട്ടിമുട്ടിയത്.
ബസുകള്‍ അമിത വേഗതയിലായിരുന്നുവെന്ന് ദൃക്‌സാക്ഷികള്‍ പറഞ്ഞു. തളിപ്പറമ്പ് പൊലീസും നാട്ടുകാരും ചേര്‍ന്ന് പരിക്കേറ്റവരെ ആശുപത്രിയിലെത്തിച്ചു. ഇരു വാഹനത്തിന്റെയും ഗ്ലാസുകള്‍ തകര്‍ന്ന് വീണ് ചിതറിയതിനെ തുടര്‍ന്ന് ഗതാഗതം മുടങ്ങി. ഇത് നീക്കം ചെയ്തശേഷമാണ് ഗതാഗതം പുനസ്ഥാപിച്ചത്.
പ്രതികരിക്കാൻ ഇവിടെ എഴുതുക: