കൊച്ചി: വനിതാ ഓട്ടോ ഡ്രൈവര്‍ കുഴുപ്പിള്ളി തച്ചാട്ടുതറ ജയ (47) യെ രാത്രി ഓട്ടം വിളിച്ചു കൊണ്ടുപോയി കൊലപ്പെടുത്താന്‍ ശ്രമിച്ച സംഭവത്തിലെ പ്രധാന പ്രതികള്‍ കേരളം വിട്ടതായി സൂചന. ജയയുടെ അടുത്ത ബന്ധു ഗൂഢാലോചനക്കുറ്റത്തിന് അറസ്റ്റിലായ പ്രിയങ്കയുടെ ഭര്‍ത്താവ് സജീഷ്, ക്വട്ടേഷന്‍ സംഘത്തിലെ മറ്റ് മൂന്ന് പേര്‍ എന്നിവരാണ് സംസ്ഥാനം വിട്ടതായി കരുതുന്നത്.
ഭാര്യാ സഹോദരന്‍ വാഹനാപകടത്തില്‍ മരിച്ച വകയില്‍ ലഭിച്ച തുകയില്‍ നല്ലൊരു ശതമാനവും സജീഷ് കൈയടക്കിയിരുന്നു. ക്വട്ടേഷന്‍ സംഘാംഗങ്ങള്‍ അരൂര്‍, കുമ്പളം മേഖലയിലുള്ളവരാണെന്നാണ് സൂചന.എന്നാല്‍ ഇവരുടെ പേരില്‍ നേരത്തേ കേസുകള്‍ ഉള്ളതായി സൂചനകളില്ല.
സജീഷിന്റെ ഫോണിലെ കോള്‍ ലിസ്റ്റ് പരിശോധിച്ച പൊലീസ് സംഭവം നടന്നതും കഴിഞ്ഞതുമായ ദിവസങ്ങളില്‍ സജീഷ് വിളിച്ചിരുന്നവരെ വിളിപ്പിച്ചിരുന്നു.എന്നാല്‍ കാര്യമായ വിവരങ്ങള്‍ കിട്ടിയില്ലെന്നാണ് അറിവ്. പ്രതികള്‍ക്കായി പൊലീസ് അന്വേഷണം വ്യാപിപ്പിച്ചിട്ടുണ്ട്.
പ്രതികരിക്കാൻ ഇവിടെ എഴുതുക: