ഗാന്ധിനഗര്: ലോക ജൂനിയര് ചെസ് ചാമ്പ്യന്ഷിപ്പ് 2024 ടൈറ്റില് സ്വന്തമാക്കി ഭാരതത്തിന്റെ ദിവ്യ ദേശ്മുഖ്. ടൂര്ണമെന്റിലെ പെണ്കുട്ടികളുടെ വിഭാഗം ഫൈനലില് ബള്ഗേറിയയുടെ ബെലോസ്ലാവാ ക്രസ്റ്റേവയെ ആണ് താരം തോല്പ്പിച്ചത്.
27 രാജ്യങ്ങളില് നിന്നെത്തിയ 101 താരങ്ങള് ചാമ്പ്യന്ഷിപ്പിനായി പോരടിച്ചു. ഇതില് പെണ് ഫൈനലിലെത്തിയ ദിവ്യയും ക്രസ്റ്റേവയും അടക്കമുള്ള താരങ്ങല് ഫിഡെ റാങ്കിങ്ങില് ആദ്യ 20ല് ഉള്പ്പെടുന്നതവാണ്. ചാമ്പ്യന്ഷിപ്പിലെ ഒരു മത്സരം പോലും തോല്ക്കാതെയാണ് ദിവ്യ തന്റെ കന്നി ചാമ്പ്യന്ഷിപ്പ് കിരീടം സ്വന്തമാക്കിയത്. ഫൈനലില് തുടക്കം മുതലേ ലീഡ് ചെയ്താണ് താരം മുന്നേറിക്കൊണ്ടിരുന്നത്.
