മിലാന്: ഇറ്റലിയിലെ വമ്പന്‍ ഫുട്‌ബോള്‍ ക്ലബ്ബ് എസി മിലാന് പുതിയ പരിശീലകനായി പോര്‍ചുഗലില്‍ നിന്നുള്ള പോളോ ഫൊന്‍സേകയെ നിയമിച്ചു. ഇന്നലെ ക്ലബ്ബ് അധികൃതര്‍ ഇക്കാര്യം ഔദ്യോഗികമായി സ്ഥിരീകരിച്ചു. നിലവിലെ പരിശീലകന്‍ സ്റ്റെപാനോ പിയോളിയെ മാറ്റിയാണ് ഫൊന്‍സേകയെ ദൗത്യമേല്‍പ്പിച്ചിരിക്കുന്നത്.
ഇറ്റാലിയന്‍ ലീഗ് സീരി എയില്‍ 19 തവണ ജേതാക്കളായ എസി മിലാന് ഇക്കഴിഞ്ഞ സീസണില്‍ രണ്ടാം സ്ഥാനക്കാരായി ഫിനിഷ് ചെയ്തത് വലിയ പോയിന്റ് വ്യത്യാസത്തിലായിരുന്നു. ടീമിന്റെ ചിരവൈരികളായ ഇന്റര്‍ മിലാനെക്കാള്‍ 19 പോയിന്റ് പിന്നിലായിരുന്നു എസി മിലാന്. ഈ അന്തരം കൂടിയായപ്പോളാണ് ക്ലബ്ബ് പുതിയ പരിശീലകനായി കടുത്ത നടപടികള്‍ സ്വീകരിച്ചത്.
51 കാരനായ പോളോ ഫൊന്‍സേക ഫ്രഞ്ച് ക്ലബ്ബ് ലില്ലെ, ഇറ്റലിയിലെ തന്നെ മറ്റൊരു ക്ലബ്ബായി എഎസ് റോമ എന്നിവരെ പരിശീലിപ്പിച്ചിട്ടുണ്ട്.
പ്രതികരിക്കാൻ ഇവിടെ എഴുതുക: