ഇരിട്ടി (കണ്ണൂര്‍): ബിജെപി മുന്‍ ദക്ഷിണ ക്ഷേത്ര സംഘടനാ സെക്രട്ടറി സ്വര്‍ഗീയ പി.പി. മുകുന്ദന്റെ വീട് കേന്ദ്രമന്ത്രി സുരേഷ് ഗോപി സന്ദര്‍ശിച്ചു. കൊട്ടിയൂര്‍ ദര്‍ശനം കഴിഞ്ഞ് മടങ്ങുന്നതിനിടെയാണ് പി.പി. മുകുന്ദന്റെ മണത്തണയിലുള്ള വീട്ടില്‍ അദ്ദേഹം എത്തിയത്. പി.പി. മുകുന്ദന്റെ സഹോദരന്‍ ഗണേശന്‍, സഹോദരങ്ങളായ കിഷന്‍ ചന്ദ്, രശ്മി, മറ്റ് കുടുംബാംഗങ്ങള്‍ എന്നിവരുമായി സംസാരിച്ചു.
ബിജെപി ദേശീയ നിര്‍വാഹക സമിതി അംഗം പി.കെ. കൃഷ്ണ ദാസ്, സംസ്ഥാന സമിതി അംഗങ്ങളായ കെ. രഞ്ജിത്ത്, പി. സത്യപ്രകാശന്‍, സംസ്ഥാന കൗണ്‍സില്‍ അംഗം കൂട്ട ജയപ്രകാശ്, കോഴിക്കോട് ജില്ലാ പ്രസിഡന്റ് വി.കെ. സജീവന്‍, ഹിന്ദു ഐക്യവേദി സംസ്ഥാന വര്‍ക്കിങ് പ്രസിഡന്റ് വത്സന്‍ തില്ലങ്കേരി, യുവമോര്‍ച്ച സംസ്ഥാന പ്രസിഡന്റ് പ്രഫുല്‍ കൃഷ്ണ, ജില്ലാ നേതാക്കളായ എം.ആര്‍. സുരേഷ്, ബിജു ഇളക്കുഴി, സി.സി. രതീഷ്, അരുണ്‍ ഭരത്, പേരാവൂര്‍ മണ്ഡലം പ്രസിഡന്റ് പി.ജി. സന്തോഷ് എന്നിവരും കേന്ദ്രമന്ത്രിക്കൊപ്പമുണ്ടായിരുന്നു.
പ്രതികരിക്കാൻ ഇവിടെ എഴുതുക: