കൊയിലാണ്ടിയിൽ ചക്ക പറിക്കവെ ഷോക്കേറ്റു; വയോധികന് ദാരുണാന്ത്യം

കോഴിക്കോട്: കൊയിലാണ്ടിയിൽ ചക്ക പറിക്കുന്നതിനിടെ ഷോക്കേറ്റ് വയോധികന് ദാരുണാന്ത്യം. കൊല്ലം മരുതൻകണ്ടി സ്വദേശി രാമൻ ആണ് മരിച്ചത്. കൊല്ലം പാറപ്പള്ളി റോഡിലാണ് സംഭവം. അയൽ വീട്ടിൽ നിന്നും ചക്ക പറിക്കവെയാണ് ഷോക്കേറ്റത്.

ഇരുമ്പ് പൈപ്പ് ഉപയോഗിച്ച് ചക്ക പറിക്കുമ്പോൾ സമീപത്തെ വൈദ്യുതി ലൈനിൽ തട്ടുകയായിരുന്നു. ഇന്ന് ഉച്ച കഴിഞ്ഞ് മൂന്ന് മണിയോടെയായിരുന്നു സംഭവം. പ്രദേശവാസികൾ വിവരമറിയിച്ചതിന് പിന്നാലെ പൊലീസെത്തി ഇയാളെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.