ആലത്തൂര്: ഷട്ടറുകള് ഉപയോഗശൂന്യമായതിനെ തുടര്ന്ന് വേനലില് വറ്റി വരണ്ട തെന്നിലാപുരം വാഴാമ്പള്ളം തടയണ മഴയില് നിറഞ്ഞ് കവിഞ്ഞു. ഷട്ടറുകള് തകര്ന്നത് സംബന്ധിച്ച് ജന്മഭൂമി വാര്ത്ത നല്കിയതിനെ തുടര്ന്ന് കാവശ്ശേരി പഞ്ചായത്ത് പ്രസിഡന്റ് സി.രമേഷ്കുമാര് വിഷയത്തില് ഇടപെടുകയുണ്ടായി. തൊഴിലുറപ്പ് തൊഴിലാളികളുടെ നേതൃത്വത്തില് മൂന്ന് ഷട്ടറുകളും ബലപ്പെടുത്തുന്ന ജോലികള് പൂര്ത്തിയാക്കുകയായിരുന്നു.
നാട്ടുകാര്ക്ക് കുളിക്കുന്നതിനും മറ്റ് ആവശ്യങ്ങള്ക്കും പരിസരത്തെ കിണറുകളിലേക്കും ജല ലഭ്യത ഉറപ്പുവരുത്തുന്ന, തടയണ കഴിഞ്ഞ ദിവസങ്ങളില് പെയ്ത മഴയില് നിറഞ്ഞ് കവിഞ്ഞിരിക്കുകയാണ്.
പഞ്ചായത്തിലെ ജലസ്രോതസ്സുകള് സംരക്ഷിക്കാന് വേണ്ട നടപടികള് ദ്രുതഗതിയില് പൂര്ത്തിയാക്കുമെന്നും പ്രസിഡന്റ് പറഞ്ഞു.
