എന്റെ ശരീരഭാഗങ്ങളെല്ലാം ഞാൻ മറച്ചാണ് നടക്കുന്നത്, പിന്നെന്തിനാണ് കൂവുന്നത്?’ : സുരേഷ് ഗോപി

എവിടെ ചെന്നാലും ആരാധകരൊക്കെ ധാരാളം കൂടുമല്ലോ? ചിലരൊക്കെ കൂവുകയും ചെയ്യും. എന്താണ് തോന്നുന്നത്? എന്ന പാർവതിയുടെ ചോദ്യത്തിന് ‘ഇത് സാധാരണ സംഭവിക്കാറുള്ളതാണ്. ചില ലൊക്കേഷനിൽ ചെല്ലുമ്പോൾ കൈയ്യടിക്കാൻ ആളുണ്ടാകും. ഒരു വിഭാഗം ഈ കൈയ്യടി സഹിക്ക വയ്യാതെ കൂവും’

തിരഞ്ഞെടുപ്പിലെ വന്‍ വിജയത്തിന് ശേഷം സുരേഷ് ഗോപിയുടെ പഴയ അഭിമുഖത്തിലെ ചില ഭാഗങ്ങൾ വീണ്ടും വൈറലാകുന്നു. സുരേഷ് ഗോപിയും നടി പാര്‍വ്വതിയും തമ്മിലുള്ള പഴയ ഒരു അഭിമുഖമാണ് ഇപ്പോൾ വീണ്ടും ശ്രദ്ധ നേടുന്നത്.

‘ഈ കൂവലിന്റെ പിന്നിൽ യാതൊരു ഉദ്ദേശവും ഇല്ല. ഇപ്പോൾ വഴിയിലൂടെ നടക്കുന്ന ഏതൊരു സാധാരണക്കാരനെയും പോലെ ഞാനും ഒരു സാധാരണക്കാരനാണ്. എന്നെ എന്തിന് കൂവണം. കൂവുന്നതിൽ യാതൊരു കാര്യവുമില്ല എന്നാണ് താരം മറുപടി പറയുന്നത്.
‘ഞാൻ എന്റെ ശരീര ഭാഗങ്ങളെല്ലാം വസ്ത്രങ്ങൾ ധരിച്ച് മറച്ചൊക്കെ തന്നെയാണ് നടക്കുന്നത്. പിന്നെന്തിന് കൂവണം. ആ കൂവലിന് ഞാൻ മനസിലാക്കി വച്ചിരിക്കുന്ന അർത്ഥം കൂവുന്ന ആളിന്റെ ഒരുതരം ‘കോംപ്ലക്സ്’, കോംപ്ലക്സ് മാത്രമാണ്. കൈയ്യടിക്കുന്നത് സന്തോഷപ്രകടനമാണ്’

‘എവിടെയായാലും. ഒരു സ്റ്റേജിലെ പെർഫോമൻസ് കണ്ട് നമ്മൾ കൈയ്യടിക്കും. അത് അംഗീകാരമാണ്. ഞാൻ കൈയ്യടി വളരെ സന്തോഷത്തോടെ സ്വീകരിക്കുകയും കൂവലുകൾ കോംപ്ലക്സ് ആണ്. കൂവിയ ആളിന്റെ കോംപ്ലക്സ് ആണെന്ന് മനസിലാക്കി സന്തോഷിക്കുകയും ചെയ്യും’ എന്നാണ് സുരേഷ് ഗോപി അഭിമുഖത്തിൽ പറയുന്നത്.