ന്യൂദല്ഹി: നടി കങ്കണാ റണാവത്തിന്റെ ചണ്ഡീഗഢ് വിമാനത്താവളത്തില് സിഐഎസ്എഫ് ഉദ്യോഗസ്ഥ തല്ലിയ സംഭവത്തിനെതിരെ ബോളിവുഡില് നിന്നും പ്രതിഷേധം ഉയരുന്നു. കങ്കണയെ പിന്തുണച്ച് ഋത്വിക് റോഷന്, ആലിയ ഭട്ട്, സൊനാക്ഷി സിന്ഹ, മിഖാ സിങ്ങ്, അനുപം ഖേര് എന്നിവര് രംഗത്തെത്തി.
ബിജെപി സ്ഥാനാര്ത്ഥിയായി ഹിമാചല്പ്രദേശിലെ മാണ്ഡിയില് നിന്നും വിജയിച്ച ശേഷം ദല്ഹിയിലേക്ക് വിമാനയാത്ര നടത്തുന്നതിനിടയിലാണ് ചണ്ഡീഗഢില് വെച്ച് സിഖുകാരിയായ യുവതി കങ്കണയെ തല്ലിയത്. പണ്ട് കര്ഷക സമരത്തിനെതിരെ പ്രസംഗിച്ചു എന്ന കാരണം പറഞ്ഞായിരുന്നു കയ്യേറ്റം. ഋത്വിക് റോഷന്, ആലിയ ഭട്ട്, സൊനാക്ഷി സിന്ഹ, മിഖാ സിങ്ങ്, അനുപം ഖേര് എന്നിവര് സംഭവത്തെ അപലപിച്ചു. അക്രമം ഒന്നിനും പരിഹാരമല്ലെന്ന സന്ദേശം പങ്കുവെച്ചാണ് ജേണലിസ്റ്റ് ഫായെ ഡി സൂസ പ്രതികരിച്ചത്.
“നമ്മള് കഴിഞ്ഞ പത്ത് വര്ഷം അധികാരത്തിലിരിക്കുന്ന സര്ക്കാരിനെതിരെ എന്തൊക്കെ വിമര്ശനങ്ങള് നടത്തി. അതിന്റെ പേരില് നമ്മളെയും കോണ്സ്റ്റബിള്മാര് വിമാനത്താവളങ്ങളില് തല്ലിയാലുള്ള സ്ഥിതി ആലോചിച്ചുനോക്കൂ?”- ജേണലിസ്റ്റ് ഫായെ ഡി സൂസ കുറിച്ചു. ഋത്വിക് റോഷന്, ആലിയ ഭട്ട്, സൊനാക്ഷി സിന്ഹ, മിഖാ സിങ്ങ്, അനുപം ഖേര് എന്നിവര് ഫായെ ഡി സൂസയുടെ ഈ പോസ്റ്റ് പങ്കുവെച്ചാണ് കങ്കണയെ പിന്തുണവെച്ചത്.
