മുംബയ് : റണ്‍വേയില്‍ ഒരേ സമയം രണ്ടു വിമാനങ്ങളിറങ്ങി. അപകടം ഒഴിവായത് തലനാരിഴയ്ക്ക്. മുംബയ് വിമാനത്താവളത്തില്‍ ഇന്നലെയാണ് സംഭവം.
എയര്‍ ഇന്ത്യ വിമാനം പറന്നുയരാന്‍ തുടങ്ങവെ റണ്‍വേയില്‍ ഇന്‍ഡിഗോ വിമാനം ലാന്‍ഡ് ചെയ്തതോടെയാണ് ഒരേ സമയം രണ്ടു വിമാനങ്ങള്‍ ഒരേ റണ്‍വേയില്‍ എത്തിയ അപകടകരമായ സ്ഥിതിവിശേഷം ഉണ്ടായത്.സംഭവത്തില്‍ ഡിജിസിഎ അന്വേഷണം ആരംഭിച്ചു.
സംഭവം ഉണ്ടായതിന് തൊട്ടുപിന്നാലെ, അന്നേരം ഡ്യൂട്ടിയിലുണ്ടായിരുന്ന എയര്‍ ട്രാഫിക് കണ്‍ട്രോളറെ (എടിസി) ഡിജിസിഎ പുറത്താക്കി. എയര്‍ ഇന്ത്യയും ഇന്‍ഡിഗോയും സംഭവത്തില്‍ അന്വേഷണം ആരംഭിച്ചു. ഒരു വിമാനം റണ്‍വേയില്‍ ലാന്‍ഡ് ചെയ്യുന്ന സമയത്ത്, അതേ റണ്‍വേയില്‍നിന്ന് മറ്റൊരു വിമാനം ടേക്ക് ഓഫ് ചെയ്യുന്ന വിഡിയോ സമൂഹമാധ്യമങ്ങളില്‍ പ്രചരിക്കുന്നുണ്ട്.
പ്രതികരിക്കാൻ ഇവിടെ എഴുതുക: