ന്യൂദല്ഹി: നരേന്ദ്ര മോദി സര്ക്കാരിനെ അട്ടിമറിക്കാന് ഇന്ത്യയില് ഫണ്ട് ഒഴുക്കിയ അമേരിക്കന് ശതകോടീശ്വരന് ജോര്ജ് സോറോസിന്റെ കിങ്കരന്മാര് പിന്വലിയുന്നു.
മൂന്നാം നരേന്ദ്ര മോദി സര്ക്കാര് അധികാരത്തിലെത്തിയതിന്റെ അങ്കലാപ്പിലാണ് തീരുമാനം.
ജോര്ജ് സോറോസിന്റെ ഓപ്പണ് സൊസൈറ്റി ഫൗണ്ടേഷന് പാര്ട്ട്നര് ഒമിദിയാര് നെറ്റ് വര്ക്കാണ് ഇന്ത്യയില് രാഷ്ട്രീയ അട്ടിമറിയുടെ അണിയറയില് പ്രവര്ത്തിച്ചിരുന്നത്.
ഒമിദിയാര് നെറ്റ് വര്ക്കിന്റെ പൊളിറ്റിക്കല് വിങ്ങിനെ വരദ് പാണ്ഡെയും മീഡിയ വിങ്ങിനെ ധന്യ രാജേന്ദ്രനുമാണ് നിയന്ത്രിച്ചിരുന്നത്. കോണ്ഗ്രസ് നേതാവ് ജയറാം രമേഷ് കേന്ദ്രമന്ത്രിയായിരുന്നപ്പോള് പ്രത്യേക ഉപദേഷ്ടാവിന്റെ തസ്തികയിലായിരുന്നു വരദ് പാണ്ഡെ.ലോക്സഭാ തിരഞ്ഞെടുപ്പില് രാഹുല് ഗാന്ധിയുടെ ‘വനിതകള്ക്ക് വര്ഷം ഒരു ലക്ഷം രൂപ ഗാറന്റി കാര്ഡ് വാഗ്ദാനം പ്രചരിപ്പിക്കാനും ഗാറന്റി കാര്ഡുകള് വിതരണം ചെയ്യാനുമുള്ള തട്ടിപ്പു പരിപാടിയുടെ ബുദ്ധികേന്ദ്രം വരദ് പാണ്ഡെയായിരുന്നു.
മോദി വിരുദ്ധ വാര്ത്ത ടൂള് കിറ്റ് മാധ്യമങ്ങള്ക്കിടയില് പ്രചരിപ്പിച്ചത് ധന്യ രാജേന്ദ്രന് ചെയര്പേഴ്സനായ ഡിജി പബ് സംഘടനയാണ്.ന്യൂസ് ലൗണ്ട്രി, ന്യൂസ് മിനിട്ട്, ദ് വയര്, സ്ക്രോള് തുടങ്ങിയ ന്യൂസ് പോര്ട്ടലുകള്ക്ക് ഒമിദിയാര് നെറ്റ് വര്ക്ക് ഫണ്ട് നല്കിയിരുന്നു.
മൂന്നാം മോദി സര്ക്കാര് പ്രതികാര നടപടികള് സ്വീകരിക്കുമെന്ന ഭയപ്പാടിലാണ് ഒമിദിയാര് നെറ്റ് വര്ക്ക് ഇന്ത്യയിലെ പ്രവര്ത്തനങ്ങള് അവസാനിപ്പിക്കുന്നത്.
ഇതോടെ സോറോസ് ഫണ്ടിനെ ആശ്രയിച്ച് ഇന്ത്യയില് പ്രവര്ത്തിച്ചിരുന്ന ന്യൂസ് പോര്ട്ടലുകളുടെയും എന്ജിഒ കളുടെയും കഥ കഴിയും. സോറോസ് ഫണ്ട് ഒഴുകിയതിന്റെ മണി ട്രെയില് കേന്ദ്ര ഏജന്സികള് കണ്ടെത്തിയിട്ടുണ്ട്. ഇതിന്റെ ഗുണഭോക്താക്കളായ എന്ജിഒകളും ന്യൂസ് പോര്ട്ടലുകളും കള്ളപ്പണ ഹവാല കേസുകളില് കുടുങ്ങുമെന്നാണു സൂചന
വീണ്ടും മോദി: സോറോസ് സംഘം പിന്വലിയുന്നു; ധന്യ രാജേന്ദ്രനും വരദ് പാണ്ഡെയും കുടുങ്ങും
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.