കൊച്ചി: സമൂഹത്തിലെ മുതിര്ന്ന പൗരന്മാരുടെ സേവനം നല്ല രീതിയില് ഉപയോഗപ്പെടുത്തണമെന്നും അനുഭവസമ്പന്നരായ വയോജനങ്ങളുടെ മാര്ഗനിര്ദേശങ്ങള് സമൂഹത്തിന്റെ വളര്ച്ചക്ക് ഉപയോഗിക്കണമെന്നും ബിഎംഎസ് ദേശീയ അധ്യക്ഷന് ഹിരണ്മയ് പാണ്ഡ്യ വ്യക്തമാക്കി.
വരിഷ്ഠ നാഗരിക് പരിസംഘ് (സീനിയര് സിറ്റിസണ് സംഘ്- ബിഎംഎസ്) 17 ാമത് ദേശീയ വര്ക്കിങ് കമ്മിറ്റി എറണാകുളത്തുള്ള ബിഎംഎസ് കാര്യാലയത്തില് ഉദ്ഘാടനം ചെയ്യുകയായിരുന്നു അദ്ദേഹം.
വരിഷ്ഠ നാഗരിക് സംഘ് ദേശീയ അധ്യക്ഷന് ഹസുബായ് ദവെ, ദേശീയ ജനറല് സെക്രട്ടറി വസന്ത് പിഎംപ്ലംര്, ബിഎംഎസ് സംസ്ഥാന ജനറല് സെക്രട്ടറി ജി.കെ. അജിത്, ദക്ഷിണ മേഖല സംഘടന സെക്രട്ടറി ദുരൈരാജ്, സഹസെക്രട്ടറി എം. പി. രാജീവന്, ബിഎംഎസ് സംഘടന സെക്രട്ടറി മഹേഷ് എന്നിവരും വിവിധ സംസ്ഥാനങ്ങളില് നിന്നുള്ള പ്രതിനിധികളും യോഗത്തില് പങ്കെടുത്തു. സീനിയര് സിറ്റിസണ് സംഘ് സംസ്ഥാന ജനറല് സെക്രട്ടറി കെ.വി. അച്ചുതന് സ്വാഗതം ആശംസിച്ചു. സമ്മേളനം ഇന്ന് അവസാനിക്കും.
