തിരുവനന്തപുരം: നിരോധിത തീവ്രവാദ സംഘടനകള്‍ ഇടതു വലതു മുന്നണികളുടെ തണലില്‍ വളരുന്നുവെന്ന് ബിഎംഎസ് സംസ്ഥാന പ്രസിഡന്റ് ശിവജി സുദര്‍ശന്‍.
ലോക്‌സഭാ തെരഞ്ഞെടുപ്പ് ഫലപ്രഖ്യാപന ദിവസം വൈകിട്ട് ബിഎംഎസ് തിരുവനന്തപുരം ജില്ലാ വൈസ് പ്രസിഡന്റ് എ. മധുവിന്റെ വീട് യാതൊരു പ്രകോപനവുമില്ലാതെ തീവ്രവാദ സംഘടനകള്‍ ആസൂത്രിതമായി ആക്രമിക്കുകയായിരുന്നു. മധുവിനും കുടുംബത്തിനും നേരെയുണ്ടായ ആക്രമം പോലീസ് നോക്കിനില്‍ക്കുകയായിരുന്നു. പ്രതികളെ പിടിക്കാതെ പോലീസ് ഒത്തുകളിക്കുകയാണ്. നിരോധിത തീവ്രവാദ സംഘടനകള്‍ തേര്‍വാഴ്ച നടത്തുമ്പോള്‍ നോക്കുകുത്തിയായി നില്‍ക്കുന്നതിനെതിരെയും ആക്രമികള്‍ക്കെതിരെ നടപടിയെടുക്കണമെന്നാവശ്യപ്പെട്ടും ബിഎംഎസ് സമരപരിപാടികള്‍ സംഘടിപ്പിക്കുമെന്നും ആക്രമണത്തില്‍ പരിക്കേറ്റ് ചികിത്സയില്‍ കഴിയുന്ന മധുവിനെ ആശുപത്രിയില്‍ സന്ദര്‍ശിച്ച ശേഷം ശിവജി സുദര്‍ശന്‍ പറഞ്ഞു.
പ്രതികരിക്കാൻ ഇവിടെ എഴുതുക: