ബെംഗളൂരു: രാജ്യത്ത് ആദ്യമായി ബയോമെട്രിക് സൗകര്യമുള്ള സെൽഫ് ഡ്രോപ്പ് ബാഗ് സൗകര്യം ആരംഭിച്ച് ബെംഗളൂരു കെംപെഗൗഡ രാജ്യാന്തര വിമാനത്താവളം (കെഐഎ). ഡിജിയാത്ര ആപ്പ് വഴി യാത്രക്കാർക്ക് അവരുടെ മുഖം സ്കാൻ ചെയ്തുകൊണ്ട് സെൽഫ് -ബാഗ് ഡ്രോപ്പ് സേവനം ഉപയോഗപ്പെടുത്താനാകും.
നേരത്തെ, കെഐഎയിലെ സെൽഫ്-ബാഗ് ഡ്രോപ്പ് സൗകര്യം ഉപയോഗിക്കുന്ന യാത്രക്കാർക്ക് ചെക്ക്-ഇൻ കിയോസ്കുകളിൽ ബോർഡിംഗ് പാസ് പ്രിൻ്റ് ചെയ്ത് സ്കാൻ ചെയ്യണമായിരുന്നു. എന്നാൽ ഇനി മുതൽ, ഡിജിയാത്രയുടെ ഫേസ് സ്കാൻ ബയോമെട്രിക് സാങ്കേതികവിദ്യ ഉപയോഗിച്ച്, ആഭ്യന്തര യാത്രക്കാർക്ക് ബോർഡിംഗ് പാസോ ഐഡിയോ ആവശ്യമില്ലാതെ വിമാനത്താവളം നാവിഗേറ്റ് ചെയ്യാം.
അധിക ലഗേജുകൾ ഉണ്ടെങ്കിൽ, യാത്രക്കാർ ഇതിനായി അധിക തുക അടക്കണം. ഇതിനായി യുപിഐ പേയ്മെൻ്റ് ഓപ്ഷൻ ഉടൻ ആരംഭിക്കുമെന്ന് കെഐഎ അധികൃതർ പറഞ്ഞു. ബയോമെട്രിക്സ് ഉപയോഗിക്കാൻ താല്പര്യമില്ലാത്ത യാത്രക്കാർക്ക് ബോർഡിംഗ് പാസ് സ്കാൻ ചെയ്യുന്നത് തുടരാമെന്നും അധികൃതർ വിശദീകരിച്ചു.
2018-ല് പൂര്ണ്ണമായും ഓട്ടോമേറ്റഡ് സെല്ഫ്-ബാഗ് ഡ്രോപ്പ് സംവിധാനം അവതരിപ്പിക്കുകയും യാത്രക്കാരുടെ സഞ്ചാരം കാര്യക്ഷമമാക്കുന്നതിനും തിരക്ക് കുറയ്ക്കുന്നതിനുമായി 2019-ല് ഡിജിയാത്ര പൈലറ്റ് ചെയ്തിരുന്നു.
