കണ്ണൂര്‍: വയനാട് ഉപതെരഞ്ഞെടുപ്പുമായി ബന്ധപ്പെട്ട് കെപിസിസി പ്രസിഡന്റ് കെ. സുധാകരന്റെ അഭിപ്രായത്തെ തള്ളി പ്രതിപക്ഷ നേതാവ് വി.ഡി. സതീശന്‍. കോണ്‍ഗ്രസ് സ്ഥാനാര്‍ത്ഥിയെ മാധ്യമങ്ങള്‍ക്ക് മുന്നില്‍ അല്ല പ്രഖ്യാപിക്കേണ്ടതെന്നും മുരളീധരനെ വയനാടുമായി ബന്ധിപ്പിച്ചുള്ള കാര്യങ്ങള്‍ സാങ്കല്‍പ്പികമാണെന്നുമാണ് വി.ഡി. സതീശന്‍ കണ്ണൂരില്‍ മാധ്യമങ്ങളോട് പറഞ്ഞത്.
കെ. മുരളീധരനെ വയനാട്ടില്‍ മത്സരിപ്പിക്കുന്നതില്‍ തടസമില്ലെന്നും എവിടെ മത്സരിപ്പിക്കാനും യോഗ്യനാണെന്നും വേണമെങ്കില്‍ കെപിസിസി പ്രസിഡന്റാക്കാമെന്നും കെ. സുധാകരന്‍ പറഞ്ഞിരുന്നു. തൃശ്ശൂര്‍, ആലത്തൂര്‍ ലോക്‌സഭാ മണ്ഡലങ്ങളിലെ തെരഞ്ഞെടുപ്പ് പരാജയം നേതൃത്വം പരിശോധിക്കും. മുന്‍കൂട്ടി ഒരാളെ കുറ്റപ്പെടുത്താനില്ല. അന്വേഷണം നടത്തിയ ശേഷമാണ് ഇക്കാര്യങ്ങള്‍ പറയേണ്ടത്. കേരള കോണ്‍ഗ്രസിനെ തിരികെ കൊണ്ടുവരാന്‍ യുഡിഎഫില്‍ ഒരു ചര്‍ച്ചയും നടന്നിട്ടില്ല. ഇപ്പോള്‍ അങ്ങനെ ഒരു ആലോചനയുമില്ലെന്നും വി.ഡി. സതീശന്‍ പറഞ്ഞു.
പ്രതികരിക്കാൻ ഇവിടെ എഴുതുക: