പത്തനംതിട്ട: തെരഞ്ഞെടുപ്പില്‍ കനത്ത തിരിച്ചടിയേറ്റതിന് പിന്നാലെ പത്തനംതിട്ട സിപിഎമ്മില്‍ പരസ്യ പ്രതിഷേധം ഉയര്‍ന്നു. ഏരിയ കമ്മിറ്റി അംഗം അന്‍സാരി അസീസാണ് സ്ഥാനാര്‍ഥി നിര്‍ണയം പാളിയെന്ന സൂചന നല്‍കി ഫേസ്ബുക്ക് പോസ്റ്റ് ഇട്ടത് .
സംസ്ഥാന കമ്മിറ്റി അംഗം രാജു എബ്രഹാമിന്റെ ചിത്രം വച്ചാണ് അന്‍സാരി അസീസിന്റെ ഫേസ്ബുക്ക് പോസ്റ്റ്. ‘വീട്ടില്‍ സ്വര്‍ണം വച്ചിട്ട് എന്തിന് നാട്ടില്‍ തേടി നടപ്പൂ’- എന്നായിരുന്നു പോസ്റ്റ്. ഇത് പുതിയ വിവാദങ്ങള്‍ക്ക് വഴിയൊരുക്കി.
ഇതോടെ അന്‍സാരി അസീസ് പോസ്റ്റ് ഡിലീറ്റ് ചെയ്യുകയായിരുന്നു.പത്തനംതിട്ടയില്‍ യുഡിഎഫ് സ്ഥാനാര്‍ത്ഥി ആന്റോ ആന്റണിയാണ് വിജയം നേടിയത്. എല്‍ഡിഎഫ് സ്ഥാനാര്‍ത്ഥി ഡോ. തോമസ് ഐസക് രണ്ടാം സ്ഥാനത്തേക്ക് പിന്തള്ളപ്പെട്ടു. ബിജെപി സ്ഥാനാര്‍ത്ഥിയായ അനില്‍ ആന്റണിയും 2,34406 വോട്ടുകള്‍ നേടി കരുത്തു കാട്ടി.
ഏതായാലും വരും ദിവസങ്ങളില്‍ സി പി എമ്മില്‍ കൂടുതല്‍ പൊട്ടിത്തെറിയുണ്ടാകുമെന്ന സൂചനയാണുളളത്.
പ്രതികരിക്കാൻ ഇവിടെ എഴുതുക