ഭോപ്പാല്‍ : മധ്യപ്രദേശിലെ കുനോ ദേശീയോദ്യാനത്തില്‍ ഒരു ചീറ്റക്കുഞ്ഞ് കൂടി ചത്തു.ദക്ഷിണാഫ്രിക്കയില്‍ നിന്നും ഇവിടെ എത്തിച്ച ജെമിനി എന്ന ചീറ്റയുടെ കുഞ്ഞാണ് ചത്തത്.
കേന്ദ്ര സര്‍ക്കാരിന്റെ ചീറ്റ പദ്ധതി ആരംഭിച്ച ശേഷം ചാകുന്ന പതിനൊന്നാമത്തെ ചീറ്റയാണ്.
ഇന്നലെ വൈകുന്നേരമാണ് മൃഗഡോക്ടര്‍മാരുടെ ഒരു സംഘം ചത്തു കിടക്കുന്ന ചീറ്റകുഞ്ഞിനെ കണ്ടെത്തിയത്. പോസ്റ്റ്മോര്‍ട്ടത്തിന് ശേഷം മാത്രമേ ഏകദേശം മൂന്ന് മാസം മാത്രം പ്രായമുണ്ടായിരുന്ന ചീറ്റകുഞ്ഞിന്റെ മരണകാരണം കണ്ടെത്താന്‍ കഴിയൂ.
നിലവില്‍, കുനോയില്‍ 26 ചീറ്റകളും 13 കുഞ്ഞുങ്ങളുമുണ്ട്.2022-ലും 2023-ലുമായി നമീബിയയില്‍ നിന്നും ദക്ഷിണാഫ്രിക്കയില്‍ നിന്നും രണ്ട് ഘട്ടങ്ങളിലായി 20 ചീറ്റപ്പുലികളെയാണ് കേന്ദ്രസര്‍ക്കാര്‍ ഇന്ത്യയിലെത്തിച്ചത്.
പ്രതികരിക്കാൻ ഇവിടെ എഴുതുക: