മോദി തന്നെ വീണ്ടും പ്രധാനമന്ത്രിയെന്ന് ഉറപ്പിച്ച് അമേരിക്കൻ മാധ്യമങ്ങളും ; തലസ്ഥാനത്ത് ആഘോഷങ്ങൾ തുടങ്ങി

ദൽഹി : നരേന്ദ്ര മോദിക്ക് മൂന്നാം ഊഴം ഉറപ്പിച്ച് അന്താരാഷ്‌ട്ര മാധ്യമങ്ങൾ. ഇന്ത്യയിലെ വിവിധ മാധ്യമങ്ങൾ പുറത്ത് വിട്ട എക്സിറ്റ് പോൾ ഫലങ്ങളും അമേരിക്കയുടെ ചാര ഏജൻസിയായ സിഐഎയുടെയും റിപ്പോർട്ടുകളും മുൻ നിർത്തിയാണ് പ്രമുഖ അന്താരാഷ്‌ട്ര മാധ്യമങ്ങൾ മോദി സർക്കാർ തന്നെ മൂന്നാമതും ഇന്ത്യയിൽ അധികാരത്തിൽ വരുമെന്ന് റിപ്പോർട്ട് ചെയ്തിരിക്കുന്നത്.

അതേ സമയം വോട്ടെണ്ണൽ പുരോഗമിക്കവെ മോദി തന്നെ മൂന്നാം തവണയും അധികാരത്തിലേറുമെന്ന ഉറപ്പിൽ അത് ആഘോഷമാക്കാൻ ദൽഹിയിലും വിവിധ സംസ്ഥാനങ്ങളിലും വൻ ആഘോഷ പരിപാടികളാണ് ബിജെപി സംഘടിപ്പിക്കാൻ ഒരുങ്ങുന്നത്.

ലോക്‌സഭാ തിരഞ്ഞെടുപ്പുകള്‍ക്കിടെ നടന്ന അരുണാചല്‍ പ്രദേശ്, സിക്കിം നിയമസഭകളിലേക്ക് നടന്ന വോട്ടെടുപ്പിന്റെ ഫലം ഞായറാഴ്ച പുറത്തുവന്നതും ബിജെപിയെ കൂടുതൽ ആവേശത്തിലാക്കിയിട്ടുണ്ട്. ഈ രണ്ട് സംസ്ഥാന നിയമസഭകളുടെയും കാലാവധി ജൂണ്‍ രണ്ടിന് അവസാനിക്കുന്ന സാഹചര്യത്തിലായിരുന്നു വോട്ടെണ്ണല്‍ രണ്ട് ദിനം നേരത്തെയാക്കിയിരുന്നത്.

അരുണാചലില്‍ ബിജെപിയും സിക്കിമില്‍ എസ്‌കെഎമ്മുമാണ അധികാരം നിലനിര്‍ത്തിയിരിക്കുന്നത്. രണ്ടിടത്തും കോൺഗ്രസ്സ് തകർന്നടിഞ്ഞിട്ടുണ്ട്.