തൃശ്ശൂരില്‍ കാല്‍ലക്ഷത്തിന്റെ ലീഡുമായി സുരേഷ് ഗോപി, മുരളീധരന്‍ മൂന്നാമത്: രാജീവ് ചന്ദ്രശേഖർ മുന്നിൽ

തൃശൂർ: ഇടതുമുന്നണിയുടെ ചെങ്കോട്ടകളിൽ വെന്നിക്കൊടി പാറിച്ച് ബിജെപി സ്ഥാനാർത്ഥി സുരേഷ് ​ഗോപിയുടെ പടയോട്ടം. വോട്ടെണ്ണൽ രണ്ട് മണിക്കൂറിലേക്ക് കടക്കുമ്പോൾ തൃശ്ശൂരിൽ ബിജെപി സ്ഥാനാർത്ഥി സുരേഷ് ​ഗോപി വിജയം ഉറപ്പിച്ചു.

മുതിർന്ന കോൺ​ഗ്രസ് നേതാവ് കെ മുരളീധരനെ മൂന്നാം സ്ഥാനത്തേക്ക് പിന്തള്ളിയുള്ള സുരേഷ് ​ഗോപിയുടെ ജൈത്ര യാത്രയ്‌ക്കാണ് രാഷ്‌ട്രീയ കേരളം സാക്ഷ്യം വഹിക്കുന്നത്. തൊട്ടടുത്ത എതിർ സ്ഥാനാർത്ഥി സിപിഐയുടെ വി എസ് സുനിൽ കുമാറിനെക്കാൾ ഇരുപത്തയ്യായിരത്തിലേറെ വോട്ടുകൾക്ക് മുന്നിലാണ് സുരേഷ് ​ഗോപി.

അതേസമയം, തിരുവനന്തപുരത്ത് വീണ്ടും രാജീവ് ചന്ദ്രശേഖർ ലീഡ് ചെയ്യുകയാണ്. 5000 ത്തിലേറെ വോട്ടുകൾക്കാണ് രാജീവ് ചന്ദ്രശേഖർ തരൂരിനെക്കാൾ ലീഡ് ചെയ്യുന്നത്.