ബാര്ബഡോസ്: ടി 20 ലോകകപ്പ് ക്രിക്കറ്റില് നിലവിലെ ചാമ്പ്യന്മാരായ ഇംഗ്ലണ്ട് ഇന്ന് ആദ്യ പോരാട്ടത്തിനിറങ്ങുന്നു. ഗ്രൂപ്പ് ബിയിലെ ആദ്യ മത്സരത്തില് സ്കോട്ട്ലന്ഡാണ് എതിരാളികള്. ഇന്ത്യന് സമയം രാത്രി എട്ടിനാണ് മത്സരം.
ജോസ് ബട്ട്ലര് നായകനായ ഇംഗ്ലണ്ടാണ് സ്കോട്ടലന്ഡിനേക്കാള് കരുത്തര്. ബട്ട്ലര്ക്ക് പുറമെ ഹാരി ബ്രൂക്, വില് ജാക്സ്, ബെന് ഡക്കറ്റ്, ലിയാം ലിവിങ്സ്റ്റണ് എന്നീ സൂപ്പര് താരങ്ങള്ക്കൊപ്പം മാര്ക് വുഡ്, ആദില് റഷീദ്, ക്രിസ് ജോര്ദാന്, ജോഫ്രെ ആര്ച്ചര്, മോയിന് അലി എന്നിവരും ഇറങ്ങിയേക്കും. റിച്ചി ബെറിങ്ടണ് നയിക്കുന്ന സ്കോട്ട്ലന്ഡ് ടീമില് ഒലി ഹാരിസ്, ജോര്ജ് മുന്സെ, മിഖായേല് ജോണ്സ്, മാത്യു ക്രോസ്, മാര്ക് വാറ്റ്, ബ്രാഡ് വീല് തുടങ്ങിയ പ്രമുഖര് കളിച്ചേക്കും.
ഇന്ന് രാവിലെ ആറിന് നടക്കുന്ന അഫ്ഗാനിസ്ഥാന് ഉഗാണ്ടയെ നേരിടും. ഉഗാണ്ട ആദ്യമായാണ് ടി 20 ലോകകപ്പ് കളിക്കുന്നത്. ആദ്യ കളി ജയത്തോടെ തുടങ്ങാനായാണ് റാഷിദ് ഖാന്റെ നേതൃത്വത്തിലുള്ള അഫ്ഗാന് ഇറങ്ങുക.
