കോഴിക്കോട്: കുന്ദമംഗലത്ത് നിയന്ത്രണം നഷ്‌ടമായ സ്വകാര്യബസ് മരത്തിലിടിച്ച് അപകടം. നരിക്കുനി ഭാഗത്ത് നിന്ന് കോഴിക്കോട്ടേക്ക് വരികയായിരുന്ന സ്വകാര്യ ബസ് ആണ് ഇടിച്ചത്. പത്താം മൈലിൽ വച്ചുണ്ടായ അപകടത്തിൽ ബസിലുണ്ടായിരുന്ന 36 യാത്രക്കാർക്ക് പരിക്കേറ്റു. ഇവരെ കോഴിക്കോട് മെഡിക്കൽ കോളേജ് ആശുപത്രിയിലേക്ക് മാറ്റി.
മൂന്നുപേരുടെ നില ഗുരുതരമാണ്. നാലുവയസുള്ള ഒരു കുട്ടിക്കും ഗുരുതര പരിക്കേറ്റു. നിരവധി സ്‌കൂൾ വിദ്യാർത്ഥികളും ബസിൽ ഉണ്ടായിരുന്നതായി ദൃക്‌സാക്ഷികൾ പറയുന്നു. നാട്ടുകാർ എത്തിയാണ് രക്ഷാപ്രവർത്തനം നടത്തിയത്. നിയന്ത്രണം വിട്ട് ബസ് റോഡരികിലുള്ള മരത്തിൽ ഇടിക്കുകയായിരുന്നു.
നാൽപ്പതോളം യാത്രക്കാരാണ് ബസിൽ ഉണ്ടായിരുന്നത്. പരിക്കേറ്റവരെ കോഴിക്കോട് മെഡിക്കൽ കോളേജിലേക്ക് മാറ്റി. സ്ഥിരമായി അപകടമുണ്ടാകുന്ന മേഖലയാണിതെന്നും നാട്ടുകാർ പറയുന്നു.
പ്രതികരിക്കാൻ ഇവിടെ എഴുതുക