ന്യൂഡല്‍ഹി: തെരഞ്ഞെടുപ്പ് കമ്മീഷനെ, പഴയ ബാലറ്റ് ബോക്‌സിനെ, വോട്ടെണ്ണല്‍ യന്ത്രത്തെ, എക്‌സിറ്റ് പോളുകള്‍ നടത്തിയ ഏജന്‍സികളെ ഒന്നും വിശ്വാസമില്ല, ഇന്ത്യയിലെ ജനങ്ങളെയും വിശ്വാസമില്ല. കോണ്‍ഗ്രസും ഇന്‍ഡി സഖ്യവും എത്തിപ്പെട്ടിരിക്കുന്നത് ഈയൊരു ദുര്‍ഗതിയിലാണ്. ഇതിനേക്കാളുപരി അവര്‍ക്ക് പ്രധാനമായും ഇല്ലാത്തത് ആത്മവിശ്വാസമാണ് . ബിജെപിക്ക് വേണ്ടുവോളം ഉള്ളതും അതുതന്നെയാണ്. ജനങ്ങളിലും തങ്ങളില്‍തന്നെയുമുള്ള വിശ്വാസമാണ് ബി.ജെ.പിയുടെ ഇതുവരെയുള്ള വിജയങ്ങളുടെ അടിത്തറ. ജനങ്ങള്‍ തങ്ങളെ കൈവിടില്ലെന്ന ആത്മവിശ്വാസത്തിലൂന്നിയാണ് ബി.ജെ.പിയുടെ ഒരോ നീക്കവും പ്രയത്‌നവും. ആ വിശ്വാസത്തിന്റെ പ്രതിഫലനമാണ് 13 ഓളം ഏജന്‍സികള്‍ എക്‌സിറ്റ് പോള്‍ ഫലങ്ങളായി ഇതിനകം പുറത്തു വിട്ടിരിക്കുന്നത്. അതിനെയെല്ലാം തള്ളി തങ്ങള്‍ നടത്തിയ സര്‍വ്വേകള്‍ മാത്രം വിശ്വാസം അര്‍പ്പിച്ച് നാളേക്ക് കാത്തിരിക്കുകയാണ് ഇന്ത്യന്‍ നാഷണല്‍ കോണ്‍ഗ്രസും ഇന്‍ഡി സഖ്യവും.
പ്രതികരിക്കാൻ ഇവിടെ എഴുതുക: