തിരുവനന്തപുരം: കെഎസ്യു നേതൃത്വം പരാജയമെന്ന് കെപിസിസി അന്വേഷണ സമിതി റിപ്പോര്‍ട്ട്. നെയ്യാറില്‍ നടന്ന ക്യാമ്പിലെ സംഘര്‍ഷവുമായി ബന്ധപ്പെട്ട് നടത്തിയ അന്വേഷണ റിപ്പോര്‍ട്ടിലാണ് ഈ വിവരമുളളത്.
കെപിസിസി അന്വേഷണ സമിതിയോട് സംസ്ഥാന അധ്യക്ഷന്‍ ആലോഷ്യസ് സേവ്യര്‍ സഹകരിച്ചില്ല. അലോഷ്യസ് സേവിയറിന് ധാര്‍ഷ്ട്യമാണെന്നും റിപ്പോര്‍ട്ടില്‍ കുറ്റപ്പെടുത്തുന്നു. കെഎസ്യു നേതൃത്വത്തിന് ഗുരുതര സംഘടനാ വീഴ്ചയുണ്ടായി.
സംഘടനാ തലത്തില്‍ അടിമുടി അഴിച്ചുപണിയണം. ജംബോ കമ്മിറ്റികളില്‍ പൊളിച്ചെഴുത്ത് വേണം എന്നും എംഎം നസീര്‍ എകെ ശശി എന്നിവരുടെ സമിതി കെപിസിസി അധ്യക്ഷന്‍ കെ സുധാകരന് സമര്‍പ്പിച്ച റിപ്പോര്‍ട്ടില്‍ ആവശ്യപ്പെടുന്നു.
വിദ്യാര്‍ത്ഥി വിരുദ്ധ നയങ്ങളെ കെ എസ് യു നേതൃത്വത്തിന് ചെറുക്കാനാകുന്നില്ലെന്നും റിപ്പോര്‍ട്ടില്‍ കുറ്റപ്പെടുത്തുന്നു.നെയ്യാറില്‍ നടന്ന ക്യാമ്പിലെ സംഘട്ടനത്തില്‍ ഒരാളുടെ കൈ ഞരമ്പ് അറ്റുപോയെന്നും പറയുന്നുണ്ട്.
പ്രതികരിക്കാൻ ഇവിടെ എഴുതുക: