തിരുവനന്തപുരം: മുഖ്യമന്ത്രിയുടെ മകള് വീണ വിജയന് ഉള്പ്പെട്ട സി.എം.ആര്.എല്- എക്സലോജിക് മാസപ്പടി ഇടപാടില് വിജിലന്സ് കോടതി ഉത്തരവ് റദ്ദാക്കണമെന്ന ആവശ്യവുമായി മാത്യു കുഴല്നാടന് എം എല് എ ഹൈക്കോടതിയില്. അഴിമതി നിരോധന നിയമപ്രകാരമുള്ള അന്വേഷണ ആവശ്യം തള്ളിയ വിജിലന്സ് കോടതി ഉത്തരവിനെതിരെയാണ് കോണ്ഗ്രസ് നേതാവ് കൂടിയായ ഹര്ജിക്കാരന് ഹൈക്കോടതിയിലെത്തിയത്.
ഹര്ജി തിങ്കളാഴ്ച ഹൈക്കോടതി പരിഗണിക്കും. താന് നല്കിയ തെളിവുകള് വിശദമായി പരിശോധിക്കാതെയാണ് വിജിലന്സ് കോടതി ഉത്തരവെന്ന് അപ്പീലില് മാത്യു കുഴല്നാടന് ആരോപിച്ചു.
മുഖ്യമന്ത്രിയ്ക്കെതിരെ ആരോപണമുന്നയിച്ചതിനാല് രാഷ്ട്രീയ പ്രേരിതമെന്നു പറഞ്ഞ് പരാതി തള്ളാനാവില്ലെന്നും മാത്യു കുഴല് നാടന് ഹര്ജിയില് പറയുന്നു. പരാതി പുതിയതായി പരിഗണിക്കാന് ഉത്തരവിടണമെന്നും ഹര്ജിയില് ആവശ്യമുണ്ട്. മേയ് 6 ന് തിരുവനന്തപുരം വിജിലന്സ് കോടതിയാണ് ഹര്ജി തള്ളിയത്.
