ആലപ്പുഴ: കാറിനുള്ളില്‍ ഒരുക്കിയ സ്വിമ്മിംഗ് പൂളില്‍ കുളിച്ചുള്ള യാത്ര യൂട്യൂബിലിട്ട സഞ്ജു ടെക്കിക്ക് കൂടുതല്‍ കുരുക്ക്. നിയമ നടപടിയോടനുബന്ധിച്ച് സ്വിമ്മിംഗ് പൂള്‍ ഒരുക്കിയ കാറും തല്‍ക്കാലം സഞ്ജുവിന് നഷ്ടമാകും.
സഞ്ജു ടെക്കിയുടെ ടാറ്റാ സഫാരി കാര്‍ പൊലീസ് കസ്റ്റഡിയിലേക്ക് മാറ്റും. കേസ് സംബന്ധിച്ച റിപ്പോര്‍ട്ടും മഹസറും ആലപ്പുഴ മജിസ്ട്രേറ്റ് കോടതിക്ക് എന്‍ഫോഴ്‌സ്‌മെന്റ് ആര്‍ടിഒ കൈമാറും. ഹൈക്കോടതി നിര്‍ദേശ പ്രകാരമാണ് നടപടി.
നിലവില്‍ ആര്‍ടിഒയുടെ കസ്റ്റഡിയിലുള്ള കാര്‍ മന്നഞ്ചേരി പൊലീസിനാണ് കൈമാറുക. കാറിനുള്ളിലെ സ്വിമ്മിംഗ് പൂളില്‍ കുളിച്ചുളള യാത്രയുമായി ബന്ധപ്പെട്ട് സഞ്ജുവിനും സുഹൃത്തുക്കള്‍ക്കുമെതിരെ പ്രോസിക്യൂഷന്‍ നടപടി സ്വീകരിക്കുന്നതിന്റെ ഭാഗമായാണ് കേസ് കോടതിക്ക് കൈമാറുന്നത്.
പ്രതികരിക്കാൻ ഇവിടെ എഴുതുക: