കൊച്ചി: മുന് എം.പി ഡോ.സെബാസ്റ്റ്യന് പോളിന്റെ ഭാര്യയും സംസ്ഥാന നിയമ പരിഷ്കരണ കമ്മീഷന് അംഗവും മുന് ജില്ലാ സെഷന്സ് ജഡ്ജിയുമായിരുന്ന ലിസമ്മ അഗസ്റ്റിന് (74) നിര്യാതയായി. എറണാകുളം പ്രോവിഡന്സ് റോഡില് മൂഞ്ഞപ്പിള്ളി കുടുംബാംഗവും കാസര്ഗോഡ് ഭീമനടിയില് പരേതനായ അഗസ്റ്റിന് പാലമറ്റത്തിന്റെയും പരേതയായ അനസ്താസിയയുടെയും മകളുമാണ്. മക്കള്: ഡോണ് സെബാസ്റ്റ്യന് (മാധ്യമപ്രവര്ത്തകന്. നോര്വേ), റോണ് ബാസ്റ്റ്യന് (ഹൈക്കോടതി അഭിഭാഷകന്), ഷോണ് സെബാസ്റ്റ്യന് (മാധ്യമപ്രവര്ത്തകന്/ ഡോക്യുമെന്ഡറി സംവിധായകന്). മരുമക്കള്: ഡെല്മ ഡൊമിനിക് ചാവറ (ട്രിഗ്, നോര്വേ), സബീന പി ഇസ്മെയില് (ഗവണ്മെന്റ് പ്ളീഡര്, ഹൈക്കോടതി).
1985ല് കാസര്ഗോട് മുന്സിഫായി ജുഡീഷ്യല് സര്വീസില് പ്രവേശിച്ച ലിസമ്മ അഗസ്റ്റിന് സബ് ജഡ്ജി, ജില്ലാ ജഡ്ജി, നിയമവകുപ്പില് ജോയിന്റ് സെക്രട്ടറി എന്നീ നിലകളില് പ്രവര്ത്തിച്ചിട്ടുണ്ട്. കാര്ഷികാദായ നികുതി വില്പന നികുതി അപ്പലേറ്റ് ട്രിബ്യൂണലില് ചെയര്പേഴ്സണും ചെന്നൈയിലെ കമ്പനി ലോ ബോര്ഡില് ജുഡീഷ്യല് അംഗവും പോള്സ് ലോ അക്കാദമിയുടെ ഡയറക്ടറും ഹൈക്കോടതി ആര്ബിട്രേറ്ററുമായിരുന്നു. ഫര്ഗോട്ടണ് വിക്ടിം എന്ന പുസ്തകം എഴുതിയിട്ടുണ്ട്. സംസ്കാരം ശനിയാഴ്ച രാവിലെ എറണാകുളം സെമിത്തേരിമുക്കിലെ സെന്റ് ഫ്രാന്സിസ് അസീസി കത്തീഡ്രല് സെമിത്തേരിയില്.
ഡോ.സെബാസ്റ്റ്യന് പോളിന്റെ ഭാര്യയും മുന് ജില്ലാ സെഷന്സ് ജഡ്ജിയുമായ ലിസമ്മ അഗസ്റ്റിന് നിര്യാതയായി
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.