ബംഗളുരു : ലൈംഗിക അതിക്രമ കേസില് ജെ ഡി എസ് നേതാവ് പ്രജ്വല് രേവണ്ണയെ പൊലീസ് കസ്റ്റഡിയില് വിട്ടു. ജൂണ് ആറ് വരെയാണ് കസ്റ്റഡിയില് വിട്ടത്. 14 ദിവസത്തെ കസ്റ്റഡിയാണ് പൊലീസ് ആവശ്യപ്പെട്ടതെങ്കിലും കോടതി അനുവദിച്ചില്ല.
പ്രതി നിര്ണായക തെളിവുകള് നശിപ്പിച്ചെന്ന് പ്രത്യേക അന്വേഷണ സംഘം വെളിപ്പെടുത്തി.മാധ്യമ വേട്ട നടന്നെന്നും ആരോഗ്യ പ്രശ്നങ്ങള് ഉളളതിനാല് കസ്റ്റഡിയില് വിട്ട് നല്കരുതെന്നും പ്രജ്വല് രേവണ്ണ വാദിച്ചു.
എന്നാല് കേസില് മുന്നോട്ട് പോകണമെങ്കില് പ്രജ്വലിനെ വിശദമായി ചോദ്യം ചെയ്യണമെന്ന് അന്വേഷണ സംഘം പറഞ്ഞു. ഇത് പരിഗണിച്ചാണ് കസ്റ്റഡിയില് വിട്ടത്. പ്രജ്വലിന് അഭിഭാഷകനെ കാണുന്നതിന് കോടതി അനുമതി നല്കി.
ജര്മ്മനിയില് 33 ദിവസമായി ഒളിവിലായിരുന്നു പ്രജ്ജ്വല് രേവണ്ണ.വെളളിയാഴ്ച വെളുപ്പിന് ബെംഗളൂരു വിമാനത്താവളത്തിലെത്തിയതിന് പിന്നാലെയാണ് പ്രത്യേക അന്വേഷണ സംഘം അറസ്റ്റ് ചെയ്തത്.
