ന്യൂയോര്‍ക്ക്: യു.എസിലും വെസ്റ്റ് ഇന്‍ഡീസിലുമായി നടക്കുന്ന ട്വന്റി 20 ലോകകപ്പിന് ഐ.എസ്.ഐ.എസ് യുടെ ഭീഷണി. ഇതേതുടര്‍ന്ന് ലോകകപ്പിനുള്ള സുരക്ഷ കൂടുതല്‍ ശക്തമാക്കാന്‍ ന്യൂയോര്‍ക്ക് പൊലീസ് തീരുമാനിച്ചു. ജൂണ്‍ ഒമ്പതിന് ന്യൂയോര്‍ക്കില്‍ നടക്കുന്ന ഇന്ത്യ-പാകിസ്ഥാൻ മത്സരത്തിനാണ് പ്രധാന ഭീഷണി.
എ ഗ്രൂപ്പില്‍ ഉള്‍പ്പെട്ട ഇന്ത്യ-പാകിസ്ഥാൻ മത്സരത്തിന് ഐസിസ് തീവ്രവാദ ഭീഷണിയുണ്ടെന്ന് നേരത്തേ റിപ്പോര്‍ട്ടുകളുണ്ടായിരുന്നു. ഇതോടെ ന്യൂയോര്‍ക്ക് ഗവര്‍ണര്‍ കാത്തി ഹോച്ചുല്‍ ഇക്കാര്യത്തില്‍ ഇടപെടല്‍ നടത്തുകയും സുരക്ഷാസംവിധാനം കൂടുതല്‍ ശക്തമാക്കാന്‍ നിര്‍ദേശം നല്‍കുകയുമായിരുന്നു. ന്യൂയോര്‍ക്ക് പോലീസിനാണ് സുരക്ഷാ ചുമതല.
കളിക്കാരുടേയും മത്സരം കാണാനെത്തുന്ന കാണികളുടേയും സുരക്ഷ ഉറപ്പാക്കാനുള്ള നടപടികള്‍ സ്വീകരിക്കുമെന്നും ഗവര്‍ണര്‍ പറഞ്ഞു. മത്സരത്തിന് എത്തുന്നവരുടെ സുരക്ഷ ഉറപ്പാക്കാന്‍ വിവിധ ഏജന്‍സികളുമായി ചേര്‍ന്ന് പ്രവര്‍ത്തിക്കുകയാണെന്നും അവര്‍ കൂട്ടിച്ചേര്‍ത്തു.
പ്രതികരിക്കാൻ ഇവിടെ എഴുതുക: