നാളെയാണ് ആ ദിവസം സിനിമാ ലൗവേഴ്‌സ് ഡേ. മള്‍ട്ടി പ്ലെക്‌സ് ആസോസിയേഷന്‍ ഓഫ് ഇന്ത്യയാണ് മെയ് 31-ന് പ്രത്യേക ഓഫറുമായി എത്തിയിരിക്കുന്നത്.
സിനിമാ പ്രേമികളുടെ ദിനമായി ആചരിക്കുന്ന നാളെ വെറും 99 രൂപയ്‌ക്കാണ് പ്രമുഖ മൾട്ടിപ്ലക്സുകളും സിംഗിൾ സ്‌ക്രീൻ സിനിമാശാലകളും ടിക്കറ്റുകൾ വാഗ്ദാനം ചെയ്യുന്നത്. PVR Inox, Cinepolis India, Miraj Cinemas, Multa A2, Movie Max എന്നിവയുൾപ്പെടെ പ്രമുഖ മൾട്ടിപ്ലക്‌സ് ശൃംഖലകളിൽ ഈ പ്രത്യേക ഓഫർ ലഭ്യമാകും. ബുക്ക്‌മൈഷോ, പേടിഎം തുടങ്ങിയ സിനിമ ബുക്കിങ് ആപ്പുകളിലൂടെ സിനിമ ബുക്ക് ചെയ്യാം
കുറേ നാളുകള്‍ക്ക് ശേഷം മലയാള സിനിമ തുടര്‍ച്ചയായി ഹിറ്റുകള്‍ സൃഷ്ടിക്കുകയാണ്. 2024ല്‍ റിലീസ് ചെയ്ത മലയാള സിനിമകള്‍ ലോകമെമ്പാടു നിന്നും 1000 കോടി കളക്ഷന്‍ പിന്നിട്ട് ചരിത്രം കുറിച്ചിരിക്കുകയാണ്.
കഴിഞ്ഞ വർഷം ഒക്ടോബറിൽ എംഎഐ ഇതുപോലെ ദേശീയ സിനിമാദിനം ആചരിച്ചിരുന്നു. അന്ന് കുടുംബങ്ങള്‍ അടക്കം വലിയൊരു വിഭാഗം സിനിമ കാണാൻ എത്തിയിരുന്നു.
പ്രതികരിക്കാൻ ഇവിടെ എഴുതുക: